آستانہ۔12اکتوبر (اے پی پی): مزن وزیر محمد شہباز شریف ءَ پاکستان ءُ آذربائیجان ءِ نیام ءَ ھاٹیگ ءِ شوبگ ءَ نزیکیں کمک آنی دیمروئی دیگ ءِ ضلورت ءِ ھوالگ ءَ زور دیان ءَ گوشت کہ ھاٹیگ ءِ شوبگ استیں حکومت ءِ اولی کار آنی تہ ءَ ھوار انت وھدیکہ مزن وزیر ءُ آذربائیجان ءِ صدر ءَ دوئیں ملک آنی نیام ءَ ھاٹیگ ءِ شوبگ ءَ کمک آنی ھوالگ ءَ گپ ءُ تران آنی تہ ءَ ترندی آرگ ءِ ھوالگ ءَ تپاک کت۔ چار شمبے ءَ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر محمد شہباز شریف ءَ سیکا کانفرنس ءِ ششمی سروکیں دیوان ءِ موہ ءَ آذربائیجان ءِ صدر الہام علیوف ءَ گوں گند ءُ نند کت۔ گند ءُ نند آنی ساھت ءَ دوئیں سروک آں تجارت، سرمایہ کاری ، وانگ ءُ زانگ ، انفارمیشن ٹیکنالوجی، سیکورٹی ، کشت ءُ کشار، رابطہ ءُ ھاٹیگ ءِ شوبگ ءَ کمک آناں گیش ودینگ ءِ واستہ نزیکیں ءُ جوانیں دو نیمگی یکوئی آنی سر ءَ چار ءُ تپاسی گرگ بوت۔ گند ءُ نند ءَ وت مہ وتی دمگی ءُ میاں اوستمانی کار آنی ھوالگ ءَ ھیال ریچی کنگ بوت۔ مزن وزیر ءَ صدر علیوف ءَ را پاکستان ءَ سیلاپ ءَ چہ آماچیں لکھانی مردم آنی آسودگی ءُ نہ وشیں موسمی مٹ ءُ بدلی آنی سبب ءَ کدرتی آپت آں چہ تباہ بوتگیں آوانی روزگار ءِ برجائی ءِ واستہ حکومتی کو شست آنی بابابت ءَ سرپد کت۔ مزن وزیر ءَ گوشت کہ سیلاپ ءَ چہ کشار آناں تاوان رستگ ، کشتگیں کشار آنی ڈکال ءِ آماچ بوھگ ءِ پد ءَ وردن ءُ وراک ءِ ھوالگ ءَ ڈکال ءِ آماچ بوھگ ءِ بیم گیش بوتگ۔ اے بیم آں چہ رکھگ ءِ واستہ ءُ ملک ءَ کشت ءُ کشار ءِ پیداوار ءَ را برجا کنگ ءِ واستہ یوریا ءِ درآمد ءِ ضلوری بوتگ۔ آذربائیجان ءِ در ءَ اے رد ءَ وتی سرجمیں کمک ءِ دل یکیمی داتگ۔ مزن وزیر شہباز شریف ءَ جموں کشمیر ءِ ھوالگ ءَ آذربائیجان ءِ مھکمیں بن گپ ءُ جموں کشمیر ءِ سر ءَ او آئی سی رابطہ گروپ ءِ باسک آنی رد ءَ اے گران قیمتیں کرد ءَ را ساڑات۔ آئی ءَ پیسریگیں نگور نور کار را باغ ءَ آذربائیجان ءِ گوما پاکستان ءِ جوانیں ھمبراہ داری ءِ درشان کت ءُ زر باری قفقاز ءَ دراج بریں ءُمھکمیں ایمنی ءِ آرگ ءِ واستہ صدر الہام علیوف ءِ کوشست ءَ را ساڑات۔ دوئیں سروک آں وت مہ وتی سوبمندیں کمکی آنی جتا جتائیں شوبگ آنی تہءَ دو نیمگی دزگٹی آناں گیش ترند ءُ جھلانک کنگ ءِ وتی جزم ءِ درشان کت ءُ رابطہ ، تجارت ءُ سرمایہ کاری آناں دیمروئی دیگ ءِ جاڑیگیں جتا جتائیں گامگیج آنی ھوالگ ءَ چار ءُ تپاسی گپت۔ مزن وزیر ءَ ھاٹیگ ءِ شوبگ ءَ دوئیں ملک آنی نیام ءَ نزیکیں کمک آناں دیمروئی دیگ ءِ ضلورت ءِ سر ءَ زور پر دات ایش آئی ءِ حکومت ءِ واستہ یک مزن تکی اول سرئی شوبگ ات۔ مزن وزیر ءَ وزیر ءِ مملکت برائے پٹرولیم ءَ را آذربائیجان ءُ پاکستان ءِ نیام ءَ دو نیمگی ھاٹیگ ءِ کمک آنی واستہ فوکل پرسن نامینتگ آئی ءَ گوستگیں ماہ ءَ باکو ءِ تر ءُ تاب کت۔ دوئیں سروک آں دو ئیں ملک آنی نیام ءَ ھاٹیگ ءِ شوبگ ءَ کمک آنی ھوالگ ءَ گپ ءُ تران آنی تہ ءَ ترندی آرگ ءِ ھوالگ ءَ تپاک کت۔ مزن وزیر شہباز شریف دمگی رابطہ آناں گیش ودینگ ءِ واستہ سروکی تک ءَ شور ءُ مشور پیش کت ایشانی پازیٹیو پسو دات۔ ستمبر 2022 ءَ سمر قند، ازبکستان، شنگھائی کمکی تل ءَ چہ پد دوئیں سروک آنی نیام ءَ اے دومی گند ءُ نند بوتگ۔ ایشی ءِ اندر ءَ پاکستان ءپ آذربائیجان ءِ نیام ءَ وت مہ وتی یکوئی ءِ بے دروریں روایت ءَ را برجا داران ءَ گیش یکجائی اقتصادی رابطہ ءُ کمک آناں برجا کنگ ءَ یک دگہ آسری موہ ءِ پجارینتگ۔
