آستانہ۔12اکتوبر (اے پی پی): مزن وزیر محمد شہباز شریف سیکا ءِ ششمی سروکی دیوان ءَ ہوار بوہگءِ ھاترءَ چارشمبے ءِ روچءَ دوروچی ترء ُتاب ءَ قزاخستان ءَ سربوتگ۔ قازقستان ءِ بنجاہی حکومت آستانہ ءَ سربوہگءَ مزن وزیر محمد شہباز شریف ءَرا وش اَتک کنگ بوتگ۔ قازقستان ءِ نائب مزن وزیر نورسلطان بایوف ءَ مزن وزیر ءَ را وش اَتک کتگ۔ کابینہ ءِ باسک ء ُ مزنیں حکام آنی ڈل مزن وزیر محمد شہباز شریفءِ ہمراہ اِنت۔ مزن وزیر ایشیا ءِ تہا دونیمگی نزیکی ء ُ اوست سازی ءِ گامگیج ءِ سرءَ کانفرنس ءِ ششمی سروکی دیوان ءَ ہوار بیت۔ مزن وزیر 13 اکتوبر 2022 ءَ سیکا ءِ سروکی دیوان ءَ گوں تران کنت۔ وتی تران ءِتہا مزن وزیر سیکا ءِ ا رزشت ءِ سرءَ چمشانک دنت۔ سیکا ایشیائی ملک آناں جیڑہ ء ُ جنجالاناں گرء ُدار کنگءِ ھاترءَ نزیکیاناں گیش کنگءَ حاسیں کرد پیلو کنگءَ اِنت۔ وتی تران ءِتہا مزن وزیر دمگی ء ُ میاں اوستمانی کارانی سرءَ پاکستان ءِ لیکہ ءَ چہ سرپد کنت۔ یات کنگ بہ بیت کہ سروکی دیوان ( مرچی ) چارشمبے ءِ روچءَ چہ آستانہ ءَ بندات بو ہگءَ اِنت۔
