اسلام آباد۔ 12 اکتوبر (اے پی پی) بنجائی وزیر توانائی انجینئر خرم دستگیر خان پارینے کہ پاکستان اٹی قابل تجدید توانائی نا بشخ اٹی زرکاری نا بھلو وارخواہی اس ساڑی ءِ۔ داخیا ل آتا درشانی ءِ او جاپان نا سفیر مٹسو ہیروواڈاتون گپ وتران کرسا کرے ہرا چارشنبے نادے آ داڑے اوڑتون اوڑدہی کرے۔ بنجائی وزیر گچین ہڑتوم آ کنڈآتا تعلقداری تا ساڑی آ کہول آ است جمی نا درشانی ءِ کرسا پاکستان نا اقتصادی و راجی انفراسٹرکچر ءِ گچین کننگ کن جاپان تون متکن آ تعلقداری تا ستاءِ کرے۔ بنجائی وزیر توانائی پارے کہ او جاپان نا مخلوق نا حسن سلوک و جوزہ غان متاثر مسنے، او جاپان اٹی پاکستانی سفارت خانہ ءِ چٹھی و زر گدریفسا کرینے۔ بنجائی وزیر جاپانی زرکاری خاص وڑاٹ توانائی نا بشخ اٹی زرکاری نا ستاءِ کرے۔ اوداہیت ءِ مون آ تخاکہ پاکستان نا توانائی نا بشخ قابل تجدید ذریعہ اٹ زرکاری نا بھلو وارخواہی اس فراوان کیک۔ جاپان نا سفیر جاپان نا آنجہانی مسکوہی وزیراعظم شنزوایبے نا جہہ جاگہ نا وخت آ خرم دستگیر نا ساڑی گری آ منت واری ءِ ہرفے۔ اوپاکستان اٹی بھسکاری نوکاپ اٹی جاپان نا کمکاری نا درشانی ءِ کرے۔ جاپانی سفیر حکومت نا شمسی توانائی آن بجلی نا تیاری نا گام گیج آتا ستاءِ کرسا پارے کہ جاپانی کمپنیک داٹی است خواہی تخرہ۔ جاپانی سفیر یات ترفے کہ جاپانی حکومت پاکستان نا بجلی نا بشخ اٹی زرکاری کننگ اٹی ءِ وباوری کرفے کہ جاپان پاکستان اٹی زرکاری ٹی پین ودکی کیک۔
