اسلام آباد۔ 12 اکتوبر (اے پی پی) پاکستان اٹی چین نا سفیر نونگ رونگ وزارت ہاؤسنگ اینڈ ورکس نا بنجائی سیکرٹری افتخار علی شلوانی تون اوڑدہی کرے۔ سفیرءِ بخیر کرسا افتخار علی شلوانی چندی تین پہ تینی ہڑتوم آ کنڈآتا امور آ گپ وتران کرے ہرافتے ٹی پاک چین متکن آ تعلقداری اوار ءِ ہراکہ سنگتی نا نشانی ءِ۔ افتخار علی شلوانی داہیت ءِ مون آ تخا کہ بروک آ چین و سرکڑدہ غاتا اسیجائی کوشست آتیان دا رشتہ ہر دور اکن اسٹریٹجک کوآپریٹو پارٹنر شپ ، اٹی بدلی مسنے۔ سیکرٹری دا سنگتی نا مخ تفی ٹی ودکی کن سفیر شرفمند ءِ اولیکو جہانی ہاؤسنگ نمائش 2022 نا دود اٹی تینا ملک انا بشخ ہلنگ نا عزم انا درشانی ءِ کرے۔ داکان بیدس ہڑتوم آ فریق آک پاکستان اٹی مون آ بروک آ ہاؤسنگ مارکیٹ آ ہم گپ وتران کریر ہراڑا سفیر پاکستان نا ہاؤسنگ و مینو فیکچرنگ نا بشخ آتیٹی زرکاری نا وارخواہی پٹنگ اٹ است خواہی نا درشانی ءِ کرے۔ سیکرٹری ہاؤسنگ و مینو فیکچرنگ نا بشخ اٹی سفیر نا عزم و است خواہی نا ستاءِ کرے و دا چرجوئی ٹی تینا پورو کمکاری نا درشانی ءِ کرے۔
