صدر مملکت نا درملکی سازش نا بیانیہ ءِ رد کننگ آن پد عمران خان نا بیانیہ دم تسنے، بنجائی وزیر

لاہور ۔ 12 اکتوبر (اے پی پی) مسلم لیگ ن نا مرکزی راہشون، بنجائی وزیر ریلوائی خواجہ سعد رفیق پارینے کہ صدر مملکت ڈاکٹر عارف  علوی نا درملکی سازش نا بیانیہ ءِ رد کننگ آن پد عمران خان نا درملکی سازش نا بیانیہ دم تسنے۔ چارشنبے نادے آ لاہور نا احتساب عدالت اٹی پیشی آ میڈیا تون گپ وتران کرسا خواجہ سعد رفیق پارے کہ عمران خان اقتدار کن گھٹیا سازش کرے، دا مخلوق ءِ ریفک و سیاست نا برخلاف ہشکا ایتک، داسہ تو صدر عارف علوی ہم پارینے کہ ہچ ءُ سازش اس اَلوکہ اوکان پد درملکی سازش نا بیانیہ ہم دم تسنے۔ خواجہ سعد رفیق پارے کہ عمران خان مقبولیت نا ہرا ڈیزائن ءِ جوڑ کننگاسس ا وتمانے، عمران خان پائے خیبرپختونخوا حکومت داتم اسکان نوکاپ نا زہمی تیکن انتس کرینے، سوات اٹی اوڑتون انت مس، اونا میئر اسکان ءِ ہیت کننگ کن اِلنگتو، عمران خان تینا آڈیو نا ٹیسٹ ءِ کرفے، دعویٰ کپ۔ بنجائی وزیر ریلوائی پارے کہ تدوک آ دور حکومت اٹی ننے آ دروغ انا مقدمہ جوڑ کننگا۔ خواجہ سعد رفیق پارے کہ اودے تینا برخلاف کیس اٹی انصاف نا گمان ءِ و اوڑان سرسہب مریک۔