نوکاپ زہمی علاقہ غاتیٹی زہمی مخلوق کن باسن آ پچ آتا فراوانی ءِ پک کننگے، احسن اقبال نا پارت

اسلام آباد۔ 12 اکتوبر (اے پی پی) بنجائی وزیر ڈٹ بندی ، شونداری ، اصلاحات و خصوصی گام گیج و سروک این ایف آر سی سی پروفیسر احسن اقبال پارت کرینے کہ نوکاپ زہمی علاقہ غاتیٹی ہراڑے موسم یخ مسنے ہموڑے زہمی مخلوق کن باسن ءُ پچ و لحاف آتا فراوانی ءِ پک کننگے۔ دا پارت ءِ او چارشنبےنادے آ این ایف آر سی سی ٹی تینا کماشی ٹی دیوان اٹی تس۔ داوخت آ این ڈی ایم اے و صوبائی کمامدار آک حوال تسر۔ دیوان اٹی بنجائی وزیر پارت کرے کہ نوکاپ زہمی علاقہ غاتیٹی ہراڑے موسم یخ ءِ ہموڑے زہمی مخلوق کن باسن ءُ پچ و لحاف آتا فراوانی ءِ پک کننگے۔ او نوکاپ آن زہمی بزغرآتے بے سود وام تننگ نا پارت کرے تانکہ او تینا فصل آتے دُوارہ تیار کننگ کیر۔ بنجائی وزیر فصل آتا دسنگ کن مشینری نا ہلنگ کن تعلقدار کمامدار آتے زوت لائحہ عمل اس تیار کننگ نا ہم پارت کرے۔ دیوان اٹی وزارت خور ءِ دا بابت زوت حوال تننگ نا پارت کننگانے۔