کاروباری برادری کن پوسکن آ ٹیکنالوجی ءِ کاریم اٹ اتنگ اُن، بنجائی وزیر واپار سید نوید قمر

اسلام آباد۔ 12 اکتوبر (اے پی پی) بنجائی وزیر واپار سید نوید قمر پارینے کہ نن تینا کاروباری برادری کن پوسکن آ ٹیکنالوجی ءِ کاریم اٹ اتنگ اُن، قاعدہ و ضابطہ ءِ گچین و واپار ءِ مون آ دننگ کن گچین وارخواہی فراوان کننگ نا گرج ءِ۔داخیال آتا درشانی ءِ او چارشنبے نادے آ پاکستان سنگل ونڈو عملدرآمد و مینجمنٹ نا بنائی سیشن آن تران کرسا کرے۔ بنجائی وزیر پارے کہ نن تینا کاروباری برادری کن پوسکن آ ٹیکنالوجی ءِ کاریم اٹ اتنگ اُن، پوسکن آ وڑتے کاریم اٹ اتسا واپار نا عمل ءِ آسان کننگ انگ ءِ۔ سید نوید قمر پارے کہ قاعدہ و ضابطہ ءِ گچین و واپار ءِ مون آ دننگ کن گچین وارخواہی فراوان کننگ نا گرج ءِ، سلک روڈ سینٹرل ایشیا روٹ آن اوغانستان نا کسر پیڑی تیان واپار مننگ ءِ۔ اوپارے کہ اوغانستان ، ازبکستان تون واپار نا مون آ دننگ نا معاہدہ کرینے ہنداوڑ قزاخستان و کرغزستان تون ہم معاہدہ کینہ۔ اوپارے کہ آسراتی تا فراوانی آن اوغانستان تون واپار ءِ پین ودفنگ مریک ، اومیت ءِ نیامی ایشیا ریاست آتیان واپارءِ ودفنگ نا وارخواہی ملک، ننا حکومت نا کوشست ءِ کہ ڈیہہ ٹی واپار ءِ مون آ دننگے۔