اسلام آباد۔ 12 اکتوبر (اے پی پی) گوادر اٹی جہانی وڑانا بالی پٹ انا تفنگ ترندی اٹ برجاءِ، ستمبر 2023 اسکان گوادر بالی پٹ آپریشنل مریک۔ گوادر پورٹ کمامدارآتا رداٹ بالی پٹ نا تفنگ آن شار شونداری نا پوسکن آ دور اٹی اوار مریک۔ پاک چین اقتصادی راہداری ڈٹ انا رداٹ گوادر شار ءِ مرکزی اہمیت دوئی ءِ۔ گوادر اٹی جہانی وڑانا بالی پٹ مننگ ہم بھاز المی ئسک۔ گوادر انٹرنیشنل بالی پٹ نا تفنگ نا بنا ءِ تدوک آ سال کننگاسس و ڈٹ آ کاریم ترندی اٹ برجاءِ۔ گوادر نا پوسکن انگا بالی پٹ انا رن وے آ دنیا نا غٹ آن بھلا مسافر بردار جہاز 380 اے ءِ ہم لینڈنگ و بال کننگ نا آسراتی ساڑی مریک۔ حکومت گوادر اٹی برجا غٹ شونداری ڈٹ آتے پورو کننگ کن سنبرینگوک ءِ۔ گوادر اٹی دوسد ءُ سی ملین ڈالر نا خڑچ آن تفنگوک آ بالی پٹ گوادر شار و پورٹ انا شونداری کن پیش خیمہ جوڑ مریک۔ بالی پٹ نا تفنگ آن ہراڑے گوادر جہانی شار انا درجہ دوئی کیک ہموڑے دا ڈٹ آن روزگار نا وارخواہی ودی مریک و دا بالی پٹ شار انا شونداری ٹی ہم بھاز کمکار مریک۔
