وزیراعظم شہباز شریف سیکا نا شش میکو سروکی دیوان اٹی بشخ ہلنگ کن قزاخستان آ سرمس

آستانہ۔ 12 اکتوبر (اے پی پی) وزیراعظم محمد شہباز شریف سیکا نا شش میکو سروکی دیوان اٹی بشخ ہلنگ کن چارشنبے نادے آ اِرادے ئی دورہ غا قزاخستان آ سرمسنے۔ قزاخستان نا دارالحکومت آستانہ غا سرمننگ آ وزیراعظم محمد شہباز شریف ءِ جم و جوش اٹ بخیر کننگا۔ قزاخستان نا نائب وزیراعظم نور سلطان بایوف وزیراعظم ءِ بخیر کرے۔ کابینہ نا باسک و بڑزکو کمامدار آتیا تالان ڈل وزیراعظم محمد شبہاز شریف تون اوار ءِ۔ وزیراعظم ایشیا ٹی تعامل و پت سازی نا گام گیج آتیا کانفرنس نا شش میکو سروکی دیوان اٹی بشخ ہلیک۔ وزیراعظم 13 اکتوبر 2022 آ سیکا نا سروکی دیوان آن تران کیک۔ تینا تران اٹی وزیراعظم سیکا نا اہمیت ءِ مون آ تخک۔ سیکا ایشیائی ملک آتے مون تروک چیلنج آتون مون تننگ کن رابطہ غاتا مون آ دننگ اٹ اہم ءُ کڑد اس ادا کننگ ءِ۔ تینا تران اٹی وزیراعظم علاقائی و جہانی امور آ پاکستان نا نکتہ نظر آن معلومدار کیک۔ یات سلے کہ سروکی دیوان اینو (چارشنبےنادے ) آن آستانہ ٹی بناکننگ ءِ۔