وزیراعظم شہباز شریف سیکا نا شش میکو سروکی دیوان اٹی بشخ ہلنگ کن قزاخستان آ روانہ مس

اسلام آباد۔ 12 اکتوبر (اے پی پی) وزیراعظم محمد شہباز شریف سیکا نا شش میکو سروکی دیوان اٹی بشخ ہلنگ کن چارشنبے نادے آ قزاخستان کن روانہ مس۔ وزیراعظم آفس نا میڈیا ونگ آن جاری بیان  نا رداٹ کابینہ نا باسک و بڑزکو کمامدار آتیا تالان ڈل وزیراعظم محمد شہباز شریف تون اوار ءِ۔ وزیراعظم ایشیاٹی تعامل و پت سازی نا گام گیج آتیا کانفرنس نا شش میکو سروکی دیوان اٹی بشخ ہلیک۔ وزیراعظم شہباز شریف 12، 13 اکتوبر 2022 آ قزاخستان نا دارالحکومت آستانہ ٹی سیکا (CICA) نا شش میکو سروکی دیوان اٹی بشخ ہلیک۔ وزیراعظم 13 اکتوبر 2022 آ سیکا نا دیوان آن تران کیک ۔