مزن وزیر  شہباز  شریف سیکا  ءِ ششمی  سروکی  دیوان ءَ  بھر  زوری  ءِ  واستہ  کزاکستان  روادگ  بوتگ

اسلام آباد۔12اکتوبر  (اے پی پی): مزن وزیر  محمد  شہبا ز شریف   سیکا ءِ ششمی  سروکی دیوان  ءَ بھر زوری ءِ واستہ چار شمبے  ءَ  کزاکستان ءِ  واستہ  روادگ بوتگ۔  مزن وزیر  کارگس  ءِ  میڈیا  ونگ  ءِ نیمگ ءَ  جاڑی بوتگیں  بیان ءِ رد ءَ  کابینہ ءِ باسک ءُ  ٹوھیں کارندہ   آنی  ڈل  مزن وزیر شہباز شریف ءِ ھمبراہ   انت۔  مزن وزیر   ایشیا   ءَ  Interaction and Confidence Building Measures in Asia  گامگیج ءَ کانفرنس  ءِ ششمی  دیوان ءَ  بھر زوری کنت۔  مزن وزیر  شہباز شریف    13،12 اکتوبر 2022  ءَ کزاکستان  ءِ   دارلحکومت  آستانہ ءَ سیکا   ءِ ششمی سروکی دیوان  ءَ بھر زوری  کنت۔   مزن وزیر    13 اکتوبر 2022   ءَ سیکا  ءِ دیوان  ءَ  راگشتانک  دنت۔