اسلام آباد۔12اکتوبر (اے پی پی): مزن وزیر شہباز شریف سیکا ءِ ششمی سروکی دیوان ءَ بھر زوری ءِ واستہ مرچی چار شمبے ءِ روچ ءَ انوں کمو دیر ءَ پد کزاکستان ءِ واستہ روادگ بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف Interaction and Confidence Building Measures in Asia کانفرنس ءِ ششمی سروکی دیوان ءَ بھر زوری ءِ واستہ کمو دیراں پد کزاکستان ءِ واستہ روادگ بیت۔ مزن وزیر شہباز شریف 12، 13 ا کتوبر 2022 ن ءَ کزاکستان ءِ دارالحکومت آستانہ ءَ سیکا ءِ ششمی سروکی دیوان ءَ بھر زوری کنت۔ کابینہ ءِ باسک آنی یک ڈل ءِ آئی ھمبراہ بیت۔ مزن وزیر 13 اکتوبر 2022 ءِ سیکا ءِ دیوان ءَ گشتانک دنت۔ آ یکجائی جیڈھ آں گوں گر ءُ چیل بوھگ ءِ واستہ سرجمیں ایشیا ءِ ملک آنی نیام ءَ گپ ءُ تران، سول ءُ تران ءُ وت مہ وتی کمک آنی دیمروئی ءِ واستہ یک جتائیں فورم ءِ رنگ ءَ سیکا ءِ ارزشت ءَ سہرا کنت۔ مزن وزیر دمگی ءُ میاں اوستمانی جیڈھ آنی رد ءَ پاکستان ءِ بن گپ ءَ را ھم سہرا کنت۔ سروکی دیوان ءِ موہ ءَ مزن وزیر جتا جتائیں سیکا ءِ باسکیں ملک آنی سروک آنی گوما دو نیمگی گند ءُ نند ھم کنت انت ایشانی مول ءُ مراد اے ملک آنی گوما تجارت، سرمایہ کاری ءُ ھاٹیگ ءِ شوبگ ءَ کمک آنی دیمروئی دیگ انت۔
