اسلام آباد۔11اکتوبر (اے پی پی): انوگیں بوتگیں مون سون ھور ءُ ھار ءُ راجی تک ءَ سیلاپ ءَ چہ سہرا بوھوکیں جاور ھال بنی آدم آناں رکھینگ ءِ واستہ ٹوھیں کساس ءَ کوشست ءُ کمک پکار انت۔ ھمدا پاک فضائیہ ءِ کارندہ آنی گوما ھمکوپگ ءَ پاک فضائیہ ءِ سکول ءُ کالج آنی نودربر آناں ھم سیلاپ ءَ چہ آماچیں دمگ آنی تہءَ نہ وشیں جاور ھال زھگ آناں شات ءُ شاتکامی بھر کنگ ءِ واستہ وتی کمک ءِ چیر دستی ءَ کمکی کار آنی تہ ءَ بھر زورتگ۔ ترجمان پاک فضائیہ ءِ رد ءَ پاک فضائیہ ءِ نودربر آنی آزمائش ءِ اے کلاک ءَ وتی گہار ءُ برات آنی واستہ چاکلیٹ ، مٹھائی ءُ سٹیشنری ءِ سامان بھا زرتگ ءُ اے مول ءُ مراد ءِ واستہ اینڈیوجولی کمک یکجا کتگ۔ سیلاپ ءَ چہ آماچیں دمگ آنی زھگ آناں ورگ ءُ نوشگی سامان 17000 ءَ گیش پیکٹ بھر ءُ بانگ کتگ۔
