وزیراعظم شہباز شریف ءِ اقوام متحدہ نا چاگڑدی بدلی نا بابت تنظیم نا نائب صدر مننگ آ مبارکباد نا قرارداد اس پنجاب اسمبلی ٹی جمع

لاہور۔ 11 اکتوبر (اے پی پی) وزیراعظم محمد شہباز شریف ءِ اقوام متحدہ نا چاگڑدی بدلی نا بابت تنظیم نا نائب صدر مننگ آ مبارکباد نا قرارداد اس پنجاب اسمبلی ٹی جمع کرفنگا۔ قرارداد ءِ مسلم لیگ ن نا باسک پنجاب اسمبلی رابعہ فاروقی سے شنبے نادے آ جمع کرفے۔ قرارداد اتی پاننگانے کہ دا ایوان وزیراعظم محمد شہباز شریف ءِ اقوام متحدہ نا چاگڑدی بدلی نا بابت تنظیم نا نائب صدر مننگ آ مبارکبادی پیش کیک۔ وزیراعظم محمد شہباز شریف ءِ چاگڑدی بدلی و اونا اثرآتیا پراثر توار ہرفنگ آ دا منصب ملانے۔ وزیراعظم محمد شہباز شریف شنگھائی کمکار تنظیم اٹی چاگڑدی بدلی تا بابت گچین نمائندگی کرے، ہراڑا اودے جہانی شرفمندی دوئی مس۔ وزیراعظم محمد شہباز شریف نا چاگڑدی بدلی تا ویل ءِ ایس سی او تنظیم نا کہول آ ہرفنگ نا سلاہ ءِ ایلو ملک آک تائید ءِ کریسر۔ وزیراعظم محمد شہباز شریف جہانی کہو ل آ پاکستان نا گوہنگوک آ ہند ءِ بحال کننگ کن سخت خواری کننگ اٹی ءِ۔ پاکستان ءِ اقوام متحدہ نا 195 باسک ملک آتیان دا شرفمندی ملنگ بھلو سرسہبی اسے۔