کوئٹہ۔ 11 اکتوبر (اے پی پی) بنجائی وزیر سمندر پار پاکستانیز و شونداری انسانی وسیلہ ساجد حسین طوری پارینے کہ بلوچستان نا سمندر پار پاکستانی تا احساس محرومی تے زوت چٹفنگک، سمندر پار پاکستانیک ملکی زرگزران اٹی تمبہ نا حیثیت تخرہ، بلوچستان آن زیات آن زیات کسبکار افرادی قوت پیشن نا ملک گدریفنگ کن گام گیج کننگ انگ ءِ، سمندر پار پاکستانی و اوفتا خاہوت آتے گچین آسراتی تا فراوانی و اوفتا ویل آتا ایسری کن گام گیج آتے پین گچین کننگ انگ ءِ، سمندر پار پاکستانی تا چناتے آب اٹ تعلیمی آسراتی تا فراوانی کن ضلعی کہول آ پین تعلمی ادارہ جوڑ کننگک۔ داخیال آتا درشانی ءِ او سے شنبے نادے آ کوئٹہ ٹی اوورسیز پاکستانیز فاؤنڈیشن (اوپی ایف) نا علاقائی دفترنا دورہ ٹی کرے۔ داوخت آ وزارت نا سینئر آفیسر آک ہم ساڑی ئسر۔ اوپی ایف نا علاقائی دفترآ سرمننگ آ ریجنل ہینڈ منظور حسین آفیسر و اسٹاف تون اوار بنجائی وزیر ءِ بخیر کرے۔ داوخت آ وزارت نا سینئر آفیسر آک ہم ساڑی ئسر۔ اوپی ایف نا علاقائی دفترآ سرمننگ آ ریجنل ہینڈ منظور حسین آفیسر و اسٹاف تون اوار بنجائی وزیر ءِ بخیر کرے و سمندر پار پاکستانی تا ویل آتا ایسری کن کروک آ کوشست آتیان اوفتے معلومدار کرے و پارے کہ بنجائی وزیر و منیجنگ ڈائریکٹر اوپی ایف نا پارت آتے مون آ تخسا سمندر پارپاکستانی تا کمک کن نادرا و سی سی پی او آفس کوئٹہ ٹی خصوصی ڈیسک اس جوڑ کننگانے و اوفتا ویل آتا ایسری کن غٹ وسیلہ غاتے کاریم اٹ اتنگ انگ ءِ، کوئٹہ و تربت اٹی جوڑ اوپی ایف نا اسکول آتیٹی سمندر پار پاکستانی تا چناتے آب اٹ تعلیم نا دوئی کننگ نا وارخواہی فراوان کننگ ءِ ، کوئٹہ گوادر و تربت انٹرنیشنل بالی پٹ آتیا تعینات اوپی ایف نا عملہ سمندر پار پاکستانی تے ہرممکن کمک فراوان کننگ ءُ۔ سمندر پار پاکستانی تا ویل و غاوتا ایسری کن بلوچستان اوورسیز پاکستانیز کمیشن نا جوڑ کننگ کن حکومت بلوچستان تون اواری اٹ کاریم کننگ انگ ءِ۔ داوخت آ بنجائی وزیر ساجد حسین طوری پارے کہ سمندر پار پاکستانی تا چناتے آب اٹ تعلیمی آسراتی تا فراوانی کن ضلعی کہول آ پین تعلیمی ادارہ جوڑ کننگک، سمندر پار پاکستانیک ملکی زرگزران اٹ تمبہ نا حیثیت تخرہ، بلوچستا ن آن زیات آن زیات کسبکار افرادی قوت پیشن نا ملک آ گدریفنگ کن گام گیج کننگ انگ ءِ۔ سمندر پار پاکستانیک چناتے بڑزکو تعلیم نا دوئی کننگ کن وظیفہ تننگک و ہراڑے سمندر پار پاکستانی تا کچ زیات ءِ پین تعلیمی ادارہ جوڑ کننگک۔ اوپارے کہ سمندر پار پاکستانیک ملک انامیرات ءُ۔ بنجائی وزیر اوپی ایف ریجنل آفس کوئٹہ نا کارکڑد انا ستاءِ کرے و تینا کارکڑد ءِ پین گچین کننگ آ زور شاغا۔
