بیجنگ۔ 11 اکتوبر (اے پی پی) چین پارے کہ پاکستان ۔ چین اقتصادی راہداری ءِ ’’دی بیلٹ اینڈ روڈ‘‘ انا بے مٹ ءُ ڈٹ اس جوڑ کننگک۔ چینی میڈیا نا رداٹ چینی وزارت خارجہ نا ترجمان ماونینگ پارے کہ چین پاک اقتصادی راہداری’’دی بیلٹ اینڈ روڈ ‘‘ نا رداٹ اہم ءُ ڈٹ اسے و پوسکن آ قول اٹ پاک چین کمکاری نا بے مٹ ءُ ڈٹ اس ہم ارے۔ سی پیک نا رداٹ توانائی نا بشخ اٹی غٹ آن زیات زرکاری کننگانے و دا بابت ترند پیش رفت مسنے۔ اوپارے کہ داڑآن نئے بیرہ پاکستان کن شفاف، پائیدار و گچین توانائی فراوان کننگانے بلکن ہندی زرگزرانی و راجی شونداری ٹی نمان کڑد اتون اوار ملازمت نا چندی وارخواہی ہم ودی مننگ ءِ۔ ہرانا پاکستانی حکومت و چندی زند انا بشخ آک پبی ستاءِ کرینو۔ اوپارے کہ چین پاکستان تون اواری اٹ جوان سلابت، تعمیری شراکت، اسیجائی فائدہ غاتا اصول نا بنداو آ تین پہ تینی فائدہ ئی کمکاری ءِ مون آ دننگ خواہک و سی پیک ءِ ’’دی بیلٹ اینڈ روڈ‘‘ انا بے مٹ ءُ ڈٹ اس جوڑ کننگ خواہک تانکہ ہڑتوم آ ملک آک نیز مچ آ ڈیہہ نا الس نا شونہالی ٹی اہم ءُ کڑد اس ادا کننگ مرے۔
