اسلام آباد۔ 11 اکتوبر (اے پی پی) بنجائی وزیر خزانہ و محصولات سینیٹر محمد اسحاق ڈار جہانی مالیاتی فنڈ و جہانی بینک انا کمامدارآتون گپ وتران کن سے شنبے نادے آ امریکہ غا روانہ مس۔ وزیر خزانہ اسحاق ڈار تینا دورہ امریکہ نا نیام اٹ آئی ایم ایف و جہانی بینک انا بڑزکو انتظامی عہدیدار آتون اوڑدہی کیک، دا اوڑدہی تیٹی جہانی مالیاتی فنڈ و جہانی بینک انا کنڈآن پاکستان نا کمکاری نا بابت امور آ سرجم گپ وتران مریک۔ وزیرخزانہ وام تروک آ کثیر الجہتی شریدار آتون ہم گپ وتران کیک ۔ دورہ امریکہ ٹی وزیرخزانہ آئی ایم ایف و جہانی بینک انا کمامدارآتے نوکاپ آن ملکی زرگزران ءِ ملوک آ نسخان و جوان و پائیدار اقتصادی نموکن ساڑی حکومت نا گام گیج آتیان ہم معلومدار کیک۔
