اسلام آباد۔11اکتوبر (اے پی پی):صدر مملکت ڈاکٹر عارف علوی ءَ پاکستان ءُ مالدیپ ءِ نیام ءَ وت مہ وتی واھگی کار آنی توامیں شوبگ ھاسیں رنگ ءَ وانگ ءُ زانت، جان ءُ سلامتی ءُ سیل ءُ سوادی شوبگ آنی تہ ءَ دو نیمگی یکوئی آناں گیش برجم کنگ ءِ ضلورت ءِ سر ءَ زور پر داتگ۔ اے ھیالانی درشانی آئیءَ مالدیپ ءَ پاکستان ءِ نامینتگیں کمشنر وائس ایڈمرل ر محمد فیاض گیلانی ءَ گوں تران کنان ءَ کت آئی ءَ سئے شمبے ءَ ایوان ءِ صدر ءَ آئی ءَ گوں گند ءُ نند کت۔ صدر مملکت ءَ گوشت کہ نامینتگیں سفیر ھاسیں رنگ ءَ مالدیپ ءِ گوما تجارت، کاروبار ءُ سرمایہ کاری، الس ءَ گوں الس ءِ رابطہ، جان سلامتی، وانگ ءُ زانگ، دیمپانی، موسمی مٹ ءُ بدلی، سیل ءُ سواد، بنی آدمی آسراتی ءِ دیمروئی ءِ گوما جتا جتائیں شوبگ آنی تہءَ سٹریٹجک یکوئی برجا کنگ ءَ دلگوشی بدینت۔ صدر مملکت ءَ سفیر ءَ گوں مالدیپ ءِ صدر ابراہیم محمد صالح ءَ را وتی مبارک بات ءُ نیکیں واھشت آنی کلوہ ءَ را پجاری کنگ ءِ ھم گوشت۔
