ڈیرہ مراد جمالی۔ 10اکتوبر (اے پی پی) قائم مقام گورنر بلوچستان میر جان محمد خان جمالی پارینے کہ پاکستان نا فوج انا ملکی دفاع اتون السی خذمت ہم ستاکڑزک، داخیال آتا درشانی ءِ او بنداوی جان جوڑی ہند (بی ایچ یو) کوٹ میر نور محمد خان جمالی ٹی پاک فوج انا کنڈآن خلوک آ فری میڈیکل کیمپ انا دورہ غا میڈیا تون گپ وتران کرسا کرے۔ اوپارے کہ ملک اٹی نوکاپ، پِر و زمی جمب کون آ قدرتی آفت آتون مون تننگ کن پاک فوج غٹ آن مست سرمریک، بلوچستان اٹی 12 کور انا کنڈآن پدریسہ اِرا تُو آن نوکاپ زہمی تا بحالی کن دے و نن کاریم کننگ انگ ءِ، نن پاک فوج انا داخذمت آتا ستاءِ کینہ، اوپارے کہ بلوچستان نا 32 ضلع نوکاپ و پِر تیان زہمی مسنو۔ بلوچستان الس نا خنک بنجائی حکومت و ادارہ غاتیاٹی ءُ۔ کنا تینا حلقہ گچین کاری ضلع اوستہ محمد پورو وڑاٹ نوکاپ نا گواچی مسنے ہرانا بحالی کن پاک فوج اتون اواری اٹ ہرممکن گام گیج کننگ انگ ءِ۔
