اسلام آباد۔ 21مئی ( اے پی پی ) پاک چین دوستی یک ازم ئُُ لا زوال عہد ئِ مزل طے کنگئَ مرچییک توانا درچک جوڑ بوتگ انت، 65سال ئِ اے دراجیں سفرئَ ھچ برز ئُُ جہل نہ بوتگ بلکںہر گوستگیں وھد ئِ گوں ھواری ئَ اے یک باز سو گو رشتگ ئَ بدل بوھگ ئَ انت۔ اے سیادی واپاری، سفارتی، دفاعیئُُ سیل ئُُ سوادی رابطہ ئِ شکل ئَ دیما روان انت، گپ قراقرم ہائی وے ئِ بیت یا جے ایف 17تھنڈر ئِ، اقوام متحدہ ئِ سلامتی کونسل ئَ ویٹو ئِ بیت یا چین پاکستان اقتصادی راہداری ئِ، غرض ہر وھد ئَ یک چین دوستی ئَ زیات بوھگ ئَ انت۔ راولپنڈی چیمبر آف کامرس اینڈ انڈسٹری ئِ پلیٹ فارم ئَ پاک چین لا زوال دوستی ئِ سوگو ئُُ راولپنڈی ئِ تاجر برات آں وتی کرد پیش داشت انت ئُُ دوستی ئِ اے رشتگ ئَ سوگوئُُ محکم جوڑ کنگئِ ھاتر ئَ وتی بہر ئِ کوشست ئُُ جہد برجاہ داشتگ انت۔ راولپنڈی چیمبر پاکستانئُُ چینئِ نیام ئَ واپاری رابطہ زیات کنگ ئُُ دو نیمگی واپاری حم زیات کنگئِ ھاتر ئَ لہتیں دیوان اڈ دئیگ ئُُ گام گیج کنگ ئَ انت۔ نوں ئَ چہ راولپنڈی چیمبر ئَ چائنا ویک ئِ بند ئُُ بست کرتگ آئی ئِ با قاعدہ افتتاح پاکستان ئَ چین ئِ سفیر سنویدونگ (Sun Weidong) ئَ یک رنگا رنگ دیوان ئَ فیتہ کاٹ کرتگ۔ اے موہ ئَ سینیٹر مشاہد حسین سید، صدر چیمبر میاں ہمایوں پرویز، سینیٹر نائب صدر رفیق ، نائب صدر محمد عاقل عبید، گروپ سروک، شیخ شبیر ، ایس ایم نسیم، گوست صدر ، باسک مجلس عاملہ، تاجر تنظیم ئِ سروک ئُُ صنعت کار آنی یک مزنیں کساس ہم ھوار ات چینئِ سفیر ئَ اے موہ ئَ وتی ترانئَ گشتگ کہ چین پاکستانئِ باز سک دوست انتئُُ دوئیں ملک آنی نیام ئَ یک واپاری، دود ئُُ ربیدگ، ئُُ چاگردی تعلق باز وش انت، چین ئِ حکومتئُُ اُلس پاکستانی اُلس ئِ گوں بہر داری ئِ رشتہ دار انت ئُُ مئے دوستی یک مثال انت۔ چینی تاجر ئُ سرمایہ کار پاکستانئَ کار ئُُ بار ئَ ترجیح دئینت ئُُ مئے واھشت انتکہ اے تعلق وھد ئِگوں ھواری ئَ دِگہ سو گو ئُُ پائیدار بیت۔ پاکستانئُُ چین ئِ نیام ئَ دو نیمگی واپاری ئِ حجم نوں زیات بوھگ ئَ کساس 18ارب ڈالر ئِ نزد بوتگ انتئُُ جنوبی ایشیا ئَ چینئِ پاکستانئَ دومی مزنیں سرمایہ کاری انت، چینئَ کینٹون فیئر بیت یا چیمبر ئَ چائنویک ،آر سی سی آئی ئَ ہر وھد ئَاے دود ئُُ ربیدگ برجاہ داشتگ۔ کینٹون فیئر ہر سال چین ئَ بیت اے سلسلہ ئَ چمبر ئَ ٹولہ ئَ ٹولہ ئِ بدل ئُُ سدلی ئِ ھاتر ئَ تاجر برداتی ئَ زیات ئَ چہ زیات آسراتی دات بہ کن انت، بزنس ویزہ ئِ پراسیسنگ ئَ بگر تٹکٹ ئِ موہ ئُُ ٹولہ ئَ شریں راھشونی دئیگ ئَ انت ایشی ئَ ابید واپار آنی آسراتی ئِ ھاتر ئَ چینی زبان ئِ کور ہم کنائینتگ انت ۔ پاکستان ئُُ چین ئِ نیام ئَ دو نیمگی واپاری ئِ حجم کساس 17ارب ڈالر ئِ نزعد انت دیما چے زیات بوھگ ئَ دراجیں موہ است انت، چین پاکستان ئَ پُچ، ماربل ، ماہیگ ، جراحی آچیز تمبو ئُُ پوست درآمد کنت، ضلورت اے گپے انت کہ پاکستانی مصنوعات کہ آ درستیں دگنیاوتی یک ھند داریت انت۔ ئِ پڑ ئَ اے شعبہ آں واپاری ئِ حجم ئَ زیات کنگ بیت تنکہ دو نیمگی واپاری ئَ توازن اڈ بہ بیت۔پاک چین اقتصادی راہداری منصوبہ بلا شبہ یک مزنیں واپاری، راجی ئُُ میاں استمانی ارزشت منصوبہ انت آئی ئِ مکسد جنوب رو برکتی پاکستان ئَ چینئِ قطبی رو برکتی دمگ سنکیانگ ئَ گوادر بندر گاہ، ریلوے ئُُ موٹروے ئِ ذریعہ ئَ تیل ئُُ گیسئِ کم وھد ئَ برگی انت، دوئیں ملک ئِ یکجا تعلق ئِ دیمروی ئِ ھاتر ئَ پاک چین اقتصادی راہداری منصوبہ ئَ مرکزی ارزشت ھست انت ئُ پاکستانی سروک اےشی ئَ ملک ئِ ھاتر ئَ گیم چینجر ئُُ معاشی آشوب ئَ تشبیہ دئیگ ئَ انت۔ گوادر ئُُ کاشغر ئِ نیامئَ کساس 3000کلو میٹر دراج پاسلہ است انت، اے منصوبہ 2030ئَ سر جم بیت ئُُ اےشی ئَ کساس 46ارب ڈالر لاگت کیت۔ اقتصادی راہداری منصوبہ ئِ مزنیں پروجیکٹ ئَ کراچی پشاور مین لائن ئِ دراجی، کراچی لاہور موٹروے ئِ جوڑ ئُُ جاڑی، حویلیاں تا خنجراب ریلوے ئِ پٹڑی تالان کنگ، ہزارہ موٹروے (E35) حویلیاں ڈرائی پورٹ ئِ جوڑ کنگ، ایران پاکستان گیس پائپ لائن، گوادر انٹر نیشنل ایئر پورٹ ئِ دراجی، پاک چین ھواریں کاٹن بائیو ٹیک لیبارٹری جوڑ کنگ، گوادر ئُُ نوابشاہ ایل این جی ٹرمینل ئُُ پائپ لائن ئِ جوڑئُُ جاڑی، بن قاسم بندر گاہ ئُُ کوئلہ ئَ 1320میگاواٹ توان پیداک کنگ ئِ منصوبہ، 70میگاواٹ ئِ سکی کناری ہائیڈ رو پاور پراجیکٹ، 720میگا واٹ ئِ خروٹ ہائیڈرو پاور پروجیکٹ، 900میگاواٹ ئِ سولر پاور پراجیکٹ، جام پور ئَ گوات َ توان پیداک کنگ ئِ منصوبہ تھر بلاک ئَ 660میگاواٹ کوئلہ ئَ توان پیداک کنگ ئِ منصوبہ ، حبکو کول پاور ئُُ دادو ئَ گوات ئَ توان پیداک کنگ ئِ منصوبہ ئَ ابید فائبر آپٹک تالان کنگئِ منصوبہ ہم ھوار انت۔اے راہداری دو روٹ آں ھوار انت آئی ئِ رو برکتی ئُُ رو درآتکی روٹ ئِ نام داتگ انت، رو دراتکی روت کاشغر ئَ بندات بیت انت کہ آ خنجراب، گلگت، رائے کوٹ، سازیں، تھاکوٹ، مانسہرہ، ایبٹ آباد، حویلیاں، ہری پور، برہان، ایم ٹو موٹروے، لاہور، فیصل آباد، خانیوال ، ملتان، سکھر، رتو ڈیرو، ایم ایٹ، خضدار، بسیمہ، ناگ ، پنجگور ئُُ ہوشاب ئَ بوھگ ئَ گوادرئَ بہ رسیت۔ رو برکتی روٹ ئِ لڑ ئُُ بند چوش انت کاشغر ، خنجراب، گلگت، رائے کوٹ، سازیں تھا کوٹ، مانسہرہ، حویلیاں،ہری پور، برہان، میانوانی، ڈیرہ اسماعیل خان، دریا خان ادا چے اے ڈی آئی خان، ژوب، قلعہ سیف اللہ، کوئٹہ، سوراب، بسیمہ، ناگ ئُُ گوادر ئَ ھوار انت۔ راہداری منصوبہ ئِ نیمگ ئَ صنعتی دمگ جوڑ کنگ بیت حکومت ئَ رو برکتی روٹ ئِ سرا دوانزدہ صنعتی زون جوڑ کنگئِ جار جتگ انت آئی ئَ چہ ہفت خیبر پختونخوا ئُُ پنچ بلوچستانئَ جوڑ بیت۔ اے ھاسیں زونز ئِ نشاندگی صوبائی حکومت بہ کن انت، ایشی ئَ ابید شش صنعتی دمگ آں ھاسیں اقتصادی زون ئِ درجہ ہم داتگ انت آھاں ملتان انڈسٹریل زون فیز ٹو، رحیم یار خان انڈسٹریل اسٹیٹ، بھلوال انڈسٹریلاسٹیٹ، میانوالی، راولپنڈی ئُُ ڈیرہ غازی خان انڈسٹریل اسٹیٹ ھوار انت۔ اے صنعتی دمگ آں سرمایہ کاری آھگ ئَ واپاری ترندی زیات بیت۔ ھندی صنعت ھاسیں وڑ ئَ سیمنٹ ، آئن ئُُ اسٹیل ئَ دیمروی بہ رسیت۔ روزگار ئِ نوکیں موہ پیداک بیت۔ زانتکار آنی گشگ انت کہ اے منصوبہ ئَ پاکستان ئِ معاشی دیمروی ئِ نہالما سمت ایر بیت بلکں ایشی ئَ معاشی آشوب ئَ ہم تشبہہ داتگ انت۔ راہداری روٹ ئِ گوں فیکٹری ، گودام ئُُ رابطہ سڑک ئِ جور ئُُ جاڑی ئَ واپاری ترندی ئَ دیمروی بہ رسیت ئُُ ہزار آنی مردم آں نوکری ہم بہ رسیت۔
