اسلام آباد۔ 26اپریل (اے پی پی) پاکستانی الس چین پاکستان اقتصادی راہداری ڈٹ انا بناءآن پد تینا زند اٹی نمان بدلی خننگ ئُ۔ چائنہ ریڈیو انٹرنیشنل آن نشر کروک آ اسہ رپورٹ اسے ٹی پاننگانے۔ چین پاکستان اقتصادی راہداری ڈٹ اتون گنڈوک کیہی ڈٹ آتیا ارب آ ڈالر خڑچ کننگ انگ ئِ ہرافتے ٹی چینی شار کاشغر ئِ پاکستان نا سویل دیکی گوادر نا بندرگاہ تون گنڈنگ کن بنداوی ڈھانچہ نا جوڑ جاڑ ہم اوار ئِ۔ رپورٹ اٹی پاننگانے کہ چینی کمپنیک 13سد کلو میٹر مریس شاہراہ قراقرم نا ودیکی و گچینی کن ہم کاریم کننگ ئِ ہرا چین و پاکستان ئِ قراقرم نا مش تتون ملفک۔ سی پیک ڈٹ آن ڈیہہ ٹی سلامتی نا حالیت سوگو مریک انتئے کہ پاک فوج جوڑ جاڑی کاریم اٹی شریک کارندہ و بنداوی ڈھانچہ نا رکھ اکن روٹ آ چندی وسیلہ غاتے فراوان کرینے۔

متعلقہ مضامینمصنف کی طرف سے مزید