لاہور۔23جنوری (اے پی پی):گور نر پنجاب چوہدری محمدسرور ءَ گوشت کہ کسے ءَ را مزن وزیر جوڑ کنگ ءُ دوریں گپ ات یک مردمے ءَ را ایم این اے جوڑ کت نہ کنت۔ عمران خان وتی 22 سالی جہد ءُ کوشست ءَ چہ باسک آنی ازمت ءُ الس ءِ ووٹ ءَ چہ مزن وزیر جوڑ بوتگ ، من اچبر نہ گوشتگ کہ نوز شریف ، بینظیر بھٹو شہید ءُ عمران خان ءَ را من ایوک ءَ مزن وزیر جوڑ کتگ۔ ناشرکاری ءِ ھلاپ ءَ جنگ ءُ ملکی دیمپانی ءِ واستہ سرجمیں راج پاکستان ءِ ارد ءِ گوما انت۔ ھدا ءِ وستہ پاکستان ءِ فوج ءَ را سیاسی جیڈھ آں چہ دور بکن ات۔ پنجاپ نوں آب پاک اتھارٹی ءُ این جی اوز آنی شریکداری ءَ ءَ چہ یکم مارچ ءَ پنجاب ءِ دو کروڑ پنجاپ لکھ مردم آناں ورگی ساپیں آپ پجاری بندات بیت۔ آ یک شمبے ءِ روچ ءَ ادا گورنر گس ءَ پنجاپ آب پاک اتھارٹی ءِ لاہور واستہ 20 منصوبگ آنی بنگیج ءَ کنگ ءَ پد پریس کانفرنس ءَ گوں گشتانک دیان ءَ کت۔ اے موہ ءَ صوبائی وزیر بلدیات میاں محمود الرشید، باسک پنجاپ اسمبلی ملک ندیم بارا،چیئر مین پنجاب آب پاک اتھارٹی ڈاکٹر شکیل احمد ءُ الخدمت فاونڈیشن ءِ احسان اللہ وقاص ءَ ھوار ایندگر ھم ساڑی اتنت۔
