دبئی۔22جنوری (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ ڈرامہ ، تامر ءُ ڈیجیٹل میڈیا ءِ وسیلگ ءَ وتی کسو ءَ را دگنیا ءَ تاں رسینت کت کنت، 1960 ءِ زمانگ پاکستان دگنیا ءِ دومی ملک بوتگ کہ ادا ٹوھیں سینما بوتگ انت وھدیکہ تامر جوڑیشت ءِ رد ءَ پاکستان دگنیا سیمی ٹوھیں ملک بوتگ، گوست ءَ تامر ءُ کسمانگ انڈسٹری ءِ سر ءَ ھاسیں دلگوش نہ رسگ ءِ سبب ءَ ڈکال ءِ آماچ بوتگ ، ما تامر انڈسٹری ءَ وتی پاد آنی سر ءَ اوشتگ ءِ لائک جوڑ کتگ۔ تامر انڈسٹری ءَ را برجا کتگ، سینما گس آناں سستائیں توام پجاری کتگ، تامر آنی سر ءَ ٹیکس ءِ ھلاسی کتگ۔ دبئی ایکسپو ءَ پاکستان پولیلین ہیرہ ءِ رنگ ءَ انت۔ اے ھیالانی درشانی آئی ءَ دبئی ایکسپو 2022 ءَ پاکستانی تامر آنی نماش ءِ بنگیج ءِ موہ ءَ مراگش ءَ گوں گشتانک دیان ءَ کت۔
