اسلام آباد۔ 21 جنوری (اے پی پی) بنجائی وزیر مذہبی امور پیر نور الحق قادری راولپنڈی اسلام آباد اسپورٹس جرنلسٹس ایسوسی ایشن نا پوسکن گچین مروک آ عہدیدار آتے مبارکبادی تسنے۔ جمعہ نادے آ تینا تہنیتی کلہو اٹی او عباس شبیر ءِ صدر و عارف خان ءِ سیکرٹری گچین مننگ آ مبارکبادی تس و پارے کہ حکومت آجوئی سلاہ درشانی آ یخین تخک، زموارانہ صحافت نا مون آ دننگ کن صحافی برادری مون آ برے۔ رسجا گوازی تا بشخ اتون وابستہ صحافی تا سوگو توار ءِ۔ اومیت ءِ کہ ورناتیکن گوازی تا سرجزآتا مون آ دننگ کن رسجا تینا کڑد ءِ ادا کرساکیک۔ اوپارے کہ اومیت ءِ رسجانا پوسکن گچین مروک آعہدیدار آک صحافی برادری نا حق انا رکھ اکن تینا کڑد ءِ ادا کرسا کیرہ۔
