اسلام آباد۔ 21 جنوری (اے پی پی) وزارت سائنس و ٹیکنالوجی نا ذیلی ادارہ پاکستان سائنس فاؤنڈیشن بنجائی دارالحکومت اسلام آباد اٹی 28 و 29 جنوری آ مروک آ پاکستان سائنس ایکسپوءِ پدبٹینے۔ پاکستان سائنس فاؤنڈیشن ملک اٹی کورونا دین انا تالانی نارداٹ این سی او سی نا تازہ پارت آتے مون آ تخسا پاکستان سائنس ایکسپوءِ پدبٹنگ نا پڑو کرینے۔ پاکستان سائنس فاؤنڈیشن نا رداٹ ایکسپو نا پوسکن آ تاریخ آتا پڑو ءِ این سی اوسی نا مشورہ غان پد کننگک۔ داہیت ذکر انا قابل ءِ کہ پاکستان سائنس ایکسپو نا گیشتر اسٹال مہالو آن سودا مسوسر۔ پاک چائنا فرینڈ شپ سینٹر اٹی مروک آ ایکسپو ٹی قومی و درملکی شخصیت، پارلیمنٹ نا باسک ، سرکاری آفیسر، نجی کمپنی تا ایگزیکٹیو ز و سی ای اوز، چندی بشخ آتیان تعلق تخوک آ اہم شخصیت، صنعتی راہشون، اسکول، کالج و یونیورسٹی تا طالب علم ، اسکالرز، پولکار و سائنسدان تا بشخ ہلنگ گمانی ئسک ولے ملک اٹی کورونا نا ودوک آ کیس آتیان پد ایکسپو ءِ پد بٹنگانے۔
