اسلام آباد۔20جنوری (اے پی پی): مزن وزیر عمران خان ءَ گوشت کہ حکومت ملک ءَ لیب ءُ گوازی آنی دیمروئی ءِ سر ءَ ھاسیں دلگوشی دیگ ءَ انت، ورنا آناں وتی ازمکاری آنی درشان ءِ واستہ موہ پجاری کنگ حکومت ءِ اولی ترجی آنی تہ ءَ ھوار انت، لیب ءُ گوازی کنوک آنی گچین کنگ میرٹ ءِ سر ءَ دل یکمی ءَ گوں کنگ بوھگ انت۔ اے ھیالانی درشانی آئی ءَ ھاسیں کمکار برائے ورنا آنی کار عثمان ڈار، عاقب جاوید، رانا عاطف ءُ کرکٹر شاہین آفریدی ءَ گوں تران کنان ءَ کت آئی ءَ پنچ شمبے ءِ روچ ءَ ادا آئی ءَ گوں گند ءُ نند کت۔ مزن وزیر ءَ گوشت کہ ملک ءِ 68 درسد آباتی ورنا آنی سر ءَ ا نت۔ آ وتی ازم ءِ درشانی ءِ موہ پجاری کنگ حکومت ءِ اولی ترجی انت۔ آئی ءَ گوشت کہ حکومت ملک ءَ گوازی ءِ دیمروئی ءِ سر ءَ ھاسیں دلگوشی دیگ ءَ انت ءُ اے گپ ءَ را دل یکیمی جوڑ کنگ بوھگ ءَ انت کہ گوازی کنوک آنی گچین میرٹ ءِ سر ءَ بہ بیت۔ گند ءُ نند ءَ ملک ءَ کامیات ورنا سپورٹس ڈرائیو ءِ کامیاتی ءُ ایشی ءِ نتیجگ ءَ ورنا آناں جتا جتائیں لیب ءُ گوازی ءَ وتی ازم ءِ درشانی ءِ موہ پجاری ءِ واستہ ھیال ریچی کنگ بوھگ۔
