اسلام آباد۔20جنوری (اے پی پی): حال ء ُ اھیوال کاری ءُ شنگکاری ءِ بنجاہی وزیر چوہدری فواد حسین ءَ گشتگ کہ دبئی ایکسپو ءِ تہا پاکستان انکلوژر ءِ تہا جمعہ ءَ روچءَ 26 فروری ءَ تاں 11 پاکستانی تامور پیش دارگ بنت۔ پنچ شمبےءِ روچءَ وتی ٹویٹءِ تہا آئی ءَ گشتگ کہ اے سال پاکستان سنیما ءِ بحالی ءِ سال بیت، اے سال پی ٹی وی ءِ فلم ڈویژن جوڑ کنگ بوتگ کہ پبلک پرائیویٹ سیکٹر ءِ تہا 10 تامور جوڑ کنت۔ دبئی ایکسپو ءِ تہا پیش داروکیں تامورانی تہءَ میں’’ طیفا ان ٹربل‘‘، ’’لوڈ ویڈنگ‘‘، ’’پرے ہٹ لو‘‘،’’ایکٹر ان لا‘‘،’’پرواز ہے جنون‘‘،’’بن روئے‘‘، ’’ہیرمان جا‘‘،’’پرچی‘‘،’’چھلاوہ ‘‘،’’سپر سٹار ‘‘ءُ’’ ساون‘‘ ہوار اَنت۔ اے تامور رد ء ُ بند داتگیں وہد ءِ ردءَ 21 جنوری، 22 جنوری، 29 جنوری، 30 جنوری، 5 فروری ، 6 فروری، 12 فروری، 13 فروری ،19 فروری، 20 فروری اور 26 فروری ءَ پیش دارگ بنت۔
