حال اھیوال کاری ء ُ شنگکاری ءِ وزارت، پی ٹی وی ء ُ بگر پکچر کنسلٹنگ ءِ نیام ءَ ٹیپو سلطان ءِ سرءَ راج دپتری سیریل جوڑ کنگءِ ھاترءَ کاگدانی سرءَ دستخط کنگ بوتگ

اسلام آباد۔20جنوری  (اے پی پی):حال ءُ اھیوال کاری ء ُ شنگکاری ءِ وزارت ، پاکستان ٹیلی ویژن ء ُ بگر پکچر کنسلٹنگءِ نیامءَ ”ٹیپو سلطان : برصغیر ءِ نامداریں آجوہی پسند جنگول جنگجو“ ءِ سرءَ راج دپتری سیریل جوڑ کنگءِ ھاترءَ کاگدانی سرء َ دستخط کنگ بوتگ۔ اے یات گیری ءِ سرءَ دستخط کنگءِ مراگش ءَ بنجاہی وزیر چوہدری فواد حسین، حال ء ُ اھیوال کاری سیکرٹری شاہیرہ شاہد، پی ٹی وی ءِ ایم ڈی ء ُ بگر پکچر کنسلٹنگ ءِ نمائدگ ہم ہوار بوتگ اَنت۔ بگر پکچر کنسلٹنگ  ٹیپو سلطان ءِ دورء ُ زندی ءِ سرءَ ڈرامہ جوڑ کنت۔ 6 سیزنز (78 اقساط) ءِ سرءَ جوڑ اے ڈرامہ ءِ بنداتی سیزن یک سالے ءِ تہا شنگ کنگ بیت۔ بگر پکچر کنسلٹنگ اے پروڈکشن ءِ جوڑ کنگ ءَ سرجمیں حرچءَ دنت۔ حال ء ُ اھیوال کاری ء ُ شنگکاری ءِ وزارت اے سیریل ءِ تکنیکی چار تپاسی کنگ ءَ ہوار سیریل جوڑ کنگ ءِ تیاری ءَ چہ پیسر سکرپٹ ءِ ہم تپاسی کنت۔