راوی اربن ڈویلپمنٹءُ سنٹرل بزنس ڈسٹرکٹ منصوبہ ملک ءِ ھاترءَ حاس اِنت، مزن وزیر عمران خان ءِ سروکی ءَ راوی اربن ڈویلپمنٹ اور سنٹرل بزنس ڈسٹرکٹ منصوبہ ءِ سرءَ بوتگیں کارانی چارء ُ تپاسی دیوان

اسلام آباد۔20جنوری  (اے پی پی): مزن وزیر عمران خان ءَ گشتگ کہ راوی اربن ڈویلپمنٹء ُ سنٹرل بزنس ڈسٹرکٹ منصوبہ ملک ءِھاترءَ باز حاس اِنت، منصوبہ ءَ را پہ وہد سرجم ناکنوکیں اہلکارانی حلاپ ءَ کاروائی کنگ بہ بیت، پنجاپ حکومت اے منصوبہ آنی حلاپ ءَ مقدمہ آنی جوانیں سرپانکی ءَ کنت۔ مزن وزیر میڈیا کارگس ءَ چہ جاری بیان ءِ ردءَ مزن وزیر ءِ سروکی ءَ راوی اربن ڈویلپمنٹ اور سنٹرل بزنس ڈسٹرکٹ  منصوبہ ءِ سرءَ بوتگیں کارانی چارء ُ تپاسی کنگی دیوان کنگ بوتگ۔ اےموہ ءَ مزن وزیر ءَ گشتگ کہ راوی اربن ڈویلپمنٹء ُ سنٹرل بزنس ڈسٹرکٹ منصوبے ملک ءِ ھاترءَ حاس اِنت۔ آئی ءَ گشتگ کہ اے منصوبپ لاہور ءَ تنگی ء ُ گندء ُ گسڈ ءَ کم کنگءِ ھاترءَ باز المی انت۔ مزن وزیر ءَ گشتگ کہ مئے حکومت ءَ تعمیرات ءِ جوانیں ء ُ راج دپتری  منصوبہ بندات کتگ کہ ایشی ءِ نیمگ ءَ گوستگیں 20 سالاں ایچ حکومت ءَ دلگوش ناکتگ، پارکس، ساپ توانائی ء ُ میاں اوستمانی تک ءِ معیار اے منصوبہ آں ماحول دوست جوڑ کنت۔ مزن وزیرءَ پنتء ُ شون کتگ کہ پنجاپ حکومت اے منصوبہ آنی حلاپ ءَ سرجمیں مقدمہ آنی جوانیں سرپانکی  ءَ  بہ کنت۔