مزن وزیر عمران خان ءَ گوں سینیٹ ء ِ چیئرمین سینیٹر محمد صادق سنجرانی ءِ گندء ُنند

اسلام آباد۔20جنوری  (اے پی پی): مزن وزیر عمران خان ءَ سینیٹءِ چیئرمین سینیٹر محمد صادق سنجرانی ء َ گوں آئی ءِ برات حُدا مُرزی سالار سنجرانی ءِ بیران بوہگ ءَ دلپدردی ءِ درشانی کتگ۔ پنچ شمبے ءِ روچءَ مزن وزیر عمران خان ءَ گوں سینیٹءِ چیئرمین سینیٹر محمد صادق سنجرانی ءَ گندء ُنندکتگ۔ مزن وزیر ءَ چیئرمین ءَ گوں آئی ء ِ برات ءِ  بیران بوہگءَ دلپدردی ءِ درشانی کتگ۔ آئی ءَ دعا کتگ کہ اللہ تعالیٰ حُدا مُرزی ءِ درجگاں مزن بہ کنت۔

کوئٹہ آر سی ڈی  روڈ ءَ را دو کشک جوڑ کنگ ءِ ھاترءَ ہم ھیال ء ُ لیکہ ءِ درشانی کنگ بوتگ۔ مزن وزیر ءَ  بلوچستان ءِ دیمروئی ء ُ وشھالی ءَ را الم کنگ ءِ ھاترءَ سرجمیں صوبہ ءِ تہا بنکی بُنپدءَ را گہتر ءُ جدید کنگ ءِ اوست داتگ۔ آئی ءَ سی پیک ءِ ردءَ جوڑ بوتگیں دگ حاس روبرکتی روٹ ءِ جوڑ کنگ ءَ را اے ہوالگءَ حاسیں  گامگیجے لیک اِتگ ء ُ اُمیت درشان کتگ کہ اے منصوبہ ءَ چہ معاشی ء ُ چاگردی دیمروئی ءِ نوکیں دور بندات بیت۔