اسلام آباد۔19جنوری (اے پی پی):کورونا وائرس ءِ گیش بوھوکیں کیسز آنی رد ءَ بنجاھی دارالحکومت اسلام آباد ءَ آیوکیں ھپتگ ءَ چہ جتا جتائیں بندش جنگ بوھگ ءَ انت۔ چار شمبے ءَ وتی یک ٹویٹے ءَ ڈپٹی کمشنر اسلام آباد حمزہ شفقات ءَ گوشت کہ اسلام آباد ءَ 24 جنوری ءَ انڈور ڈائننگ ، سور ءُ آروس ءُ مچی میڈی آنی سر ءَ بندش جنگ بوھگ ءَ انت چیا کہ کوویڈ-19 پازیٹیو کیس آنی تہءَ گیشی بوتگ۔ ڈپٹی کمشنر اسلام آباد ءَ گوشتگ کہ فی الحال 300 ءَ چہ کم مردم آنی واستہ آئوٹ ڈور مُچی ءِ اجازت انت۔
