راولپنڈی۔19جنوری (اے پی پی):آرمی چیف جنرل قمر جاوید باجوہ ءَ گوں پاکستان ءَ چین ءِ سفیر نونگ رونگ ءَ چار شمبے ءَ ادا جی ایچ کیو ءَ گند ءُ نند کت۔ گند ءُ نند ءَ وت مہ وتی واھگی کار ، دمگی سلامتی ءِ جاور ھال ءُ دو نیمگی یکوئی آناں گیش ودینگ ءِ گامگیج آنی سر ءَ ھیال ریچی کنگ بوت۔ پاک فوج ءِ شوبگ ءِ رد ءَ اے موہ ءَ آرمی چیف ءَ گوشتگ کہ پاکستان پڑ ءَ ایمنی ءِ واستہ وتی میاں اوستمانی شریکدار آنی گوما کمک ءِ واستہ جزمیگ انت۔ چینی سفیر ءَ پاکستان ءَ سی پیک منصوبگ آنی رکھینگ ءُ ایٹماسپیئر ءِ پجاری ءُ دمگی پجاری ءِ کوشست آنی واستہ کتگیں ھاسیں گامگیج آنی سر ءَ آرمی چیف ءِ شگر ءُ منت واری گپت۔ آئی ءَ سی پیک ءِ ھوالگ ءَ دیمروئی کار آنی سر ءَ دل یکیمی ءِ درشان کت ءُ بچیتگیں منصوبگ آناں وھد ءُ موہ ءِ سر ءَ سرجم کنگ ءِ ضلورت ءِ درشان کت۔
