اسلام آباد۔19جنوری (اے پی پی): مزن وزیر عمران خان ءَ گوشت کہ حکومت ءَ ضلعی انتظامی ءِ کمک ءَ چہ دھکان آناں یوریا کد ءِ کنٹرول نیاد آنی سر ءَ بھر ءُ بانگ ءُ پجاری ءَ را دل یکیمی جوڑ کنگ ءِ واستہ ٹوھیں کار رپک جوڑ کتگ۔ مزن وزیر ءَ چار شمبے ءَ کد ءِ جیڈھ ءِ سر ءَ مزن تکی دیوان ءِ سروکی کت۔ مزن وزیر ءَ گوشت کہ حکومت ملک ءَ کد ءِ بھر ءُ بانگ ءِ تہ ءَ گیش سیت خوری ءِ واستہ کد ءِ امبار آں چہ چیر دیگ ءُ شپوکی کنگ ءِ ھلاپ ءَ ترندیں گامگیج چست کنگ ءَ انت۔ آءی ءَ گوشت کہ حکومت ءِ سئے سالی دور ءَ کد ءِ ریکاٹی ایں پیداوار بوتگ ءُ اے پیداوار 61 لکھ ٹن ءَ چہ شور ءُ مشور کنگ بوتگ وھدیکہ 2018 ءَ چہ پیسر اچبر ھم اے پیداوار 55 لکھ ٹن ءَ چہ برز ترر نہ شتگ۔ ھندی تک ءَ کد ءِ پیداوار ءَ چہ دھکان آناں میاں اوستمانی کارکیٹ ءِ نیاد ءِ مٹوئی ءَ پنچ سرئی سستائیں یوریا رست کنت۔ دیوان ءَ را گوشگ بوت کہ حکومت ءِ سئے سالی وھد ءُ پاس ءَ یوریا ءِ پیداوار 61 لکھ ٹن 4 لکھ 40 ہزار تیلہ ھمک روچ ءَ چہ گیش ود اتگ۔ ایشی ءَ چہ پیسر 55 لکھ ٹن 3 لکھ 70 ہزار تیلہ ھمک روچ ءَ چہ کم بوتگ۔ اے توامیں کامیاتی حکومت ءِ پالیسی آنی سبب ءَ بوت کتگ۔ مزن وزیر ءَ پنت ءُ شون کت کہ اے منصوبگ ءِ سر ءَ زوتیں گامگیج آناں دل یکیمی جوڑ کنگ بہ بیت تانکہ کسانیں دھکا آناں آسراتی پجاری بوت بہ کنت ایش حکومت ءِ اولی ترجی داتگیں کار انت۔ دیوان ءَ بنجاھی وزیر شوکت ترین، چوہدری فواد حسین، حماد اظہر، مخدوم خسرو بختیار، سید فخر امام، فرخ حبیب ، ڈاکٹر شہباز گل، جمشید اقبال چیمہ کد ءِ صنعت ءَ گوں نزیک ءُ بندوکیں پریک ءُ سیادی داروکیں کارندہ آں بھر زوری کت۔
