بیجنگ۔19جنوری (اے پی پی):چین ءَ پاکستان ءِ صدر ڈاکٹر عارف علوی ءِ نیمگ ءَ بیجنگ سرمائی اولمپک سرمائی اولمپک گیمز ءِ ھوالگ ءَ بیان آناں وش اتک کنان ءَ گوشت کہ اے دوئیں ملک آنی نیام ءَ جوانیں یکوئی ، ھمک رنگیں سٹریٹیجک کمک آنی رد ءَ شریکداری ءُ مھکمیں براتی ءِ درشان انت۔ اے گپ چین ءِ وزارت ءِ درئی کار ءِ ترجمان زہائولیجیان ءَ نیوز بریفنگ ءِ ساھت ءَ چینی میڈیا ءِ گوما پاکستانی صدر ڈاکٹر عارف علوی ءِ استیں گلگدار ءِ ھوالگ ءَ اے پی پی ءِ نماھند گ ءِ جست ءِ پسو ءَ کت۔ چینی ترجمان ءَ گوشت کہ صدر ڈاکٹر عارف علوی ءَ گلگدارے ءِ تہ ءَ چین پاکستان یکوئی آناں بے کساس ساڑاتگ ءُ 2022 ءَ بیجنگ سرمائی اولمپک گیمز ءِ تیاری ءِ کار آنی ھوالگ ءَ نیکیں واھگ آنی درشان کتگ۔ آئی ءَ گوشت کہ 2022 بیجنگ سرمائی اولمپک گیمز ءِ تیاری پکوئی سیم سر آنی تہ ءَ سر بوتگ انت ءُ اے ایونٹ ءِ واستہ جتائیں سیاسی سروک، لیبی ءُ زندمان ءِ توامیں شوبگ آں گوں سیادی داروکیں ملک آنی گوما میان اوستمانی ڈل آں ھوار انٹر نیشنل اولپمک کمٹی (آئی او سی) ءَ وتی کمک ءُ امیت آنی درشان کتگ۔ آئی ءَ گوشت کہ چین اولمپک ءِ جوش ءُ جوزگ آناں برجا دارگ ءِ واستہ توامیں پریس آنی گوما یکجائی ءَ کار کنگ ءِ واستہ سرجمیں دل یکیمی انت ءُ دگنیا ءِ دیمرو ءَ یک برجم، محفوظ ءُ مھکم ءُ جوانیں المپک گوازی ءِ پیش کنت انت۔
