اسلام آباد۔19جنوری (اے پی پی): مزن وزیر عمران خان ءَ گوشت کہ ما ٹوھیں شہر آنی دیمروئی ءِ سر ءَ ھاسیں دلگوشی کتگ چیا کہ ٹوھیں شہر راجی معیشت ءِ دیمروئی ءِ واھگ دار انت۔ سیادی داروکیں کارندہ آں ٹوھیں شہر آنی دیمروئی سکیم آنی کشک ءَ پینگ آناں دور بکن انت۔ آ چار شمبے ءَ ٹوھیں شہر آنی منصوبگ بندی ءِ ھوالگ ءَ دیوان ءِ سروکی ءَ کنان ء۔ کت۔ آئی ءَ گوشت کہ کوچگی دمگ آں چہ شہری دمگ آنی تہ ءَ آبات کاری ءِ سبب ءَ ٹوھیں شہر آناں جیڈھ آنی گوما دیم پہ دیمی انت ایشانی تہ ءَ ہاوسنگ، مزوری ءِموہ ءُ شہری ضلورت آنی تہ ءَ کمی بوھگ ءَ انت پمے ھاترا المی انت کہ ٹوھیں شہر آنی واستہ ھاسیں دیمروئی پیکیج ءِ سر ءَ کار ءِ گام آناں ترند کنگ بہ بیت۔ مزن وزیر ءَ سیادی داروکیں کارندہ آناں پنت ءُ شون کت کہ آ ٹوھیں شہر آنی نندوک آناں گیشاں چہ گیش ریلیف پجاری ءِ واستہ جتا جتائیں دیمروئی سکیم آنی سرجمی ءِ کشک آنی تہءَ پینگ آناں ساپ کنگ ءِ واستہ ھمک رنگیں گامگیج آناں دل یکیمی جوڑ بکن ات۔ آئیءَ پنت ءُ شون کت کہ کراچی، لاہور، ملتان ، فیصل آباد، راولپنڈی ءُ گوجرانوالہ وڑیں ٹوھیں شہر آنی دیمروئی ءُ گہتری ءِ واستہ وت مہ وتی یکوئی ءَ را برجا بدار ات ءُ مھکمیں گامگیج چلائین ات۔ دیوان ءَ بنجاھی وزیر اھوالکاری ءُ شنگ کاری چوہدری فواد حسین ، وزیر ءِ صنعت مخدوم خسرو بختیار، وزیر ءِ منصوبگ بندی اسد عمر ءَ بھر زوری کت وھدیکہ گورنر پنجاپ چوہدری محمد سرور ، وزیر ءِ وانگ ءُ زانگ شفقت محمود، سر وزیر پنجاپ عثمان بزدار ءَ ویڈیو لنک ءِ وسیلگ ءَ دیوان ءَ بھر زوری کت۔
