اسلام آباد۔ 19 جنوری (اے پی پی) وزیراعظم عمران خان ابوظہبی نا ولی عہد و متحدہ عرب امارات نا سلہہ بند فوج انا ڈپٹی سپریم کمانڈر محمد بن زید ءِ ٹیل فون کرے و 17 جنوری 2022 آ ابوظہبی ٹی شاری آسراتی تا ہند آ حوثی ملیشیا نا دہشت گردانہ جلہو نا ترندی اٹ مذمت ءِ کرے و متحدہ عرب امارات نا سرکڑدہ، حکومت و الس تون یکجہتی نا درشانی ءِ کرے۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم داوخت آ پارے کہ داوڑنا جلہو آتا ہچ ءُ سوب اس اف و داوڑنا جلہوآتا دمدستی توننگ نا گرج ءِ ہرا علاقائی امن و سلامتی کن بھلو خطرہ اسے ءُ۔ وزیراعظم دا جلہو نا زہمی تا خاہوت آتون ہڑزخواہی کرے و ٹھپی مروک آتا زوت دراخ جوڑی کن دعا کرے۔ ولی عہد محمد بن زید وزیراعظم عمران خان نا کنڈآن پبی مخ تفی نا درشانی آ اونا منت واری ءِ ہرفسا دا است ہسون واقعہ ٹی زوال کروک آ پاکستانی شاری تا کزیت آ ہڑزخواہی نا ہم درشانی ءِ کرے۔
