اسلام آباد۔ 19 جنوری (اے پی پی) وزارت قومی جان جوڑی پارینے کہ تدوک آ 24 گھنٹہ ٹی مچ آ ملک اٹی 57 ہزار 669 کورونا ٹیسٹ کننگانے۔ چارشنبے نادے آ وزارت قومی جان جوڑی نا کنڈآن جاری ٹویٹ اٹی شیئرکروک حساب وکتاب نا رداٹ تدوک آ 24 گھنٹہ ٹی 57 ہزار 669کورونا ٹیسٹ کننگا، ہرافتیان 5472 بندغ آتا کورونا ٹیسٹ مثبت بس اوکان پد کورونا ٹیسٹ آتا مثبت کچ 9.48 درسد ئسک۔ داکان بیدس داوخت آ کورونا دین انا سوب آن زوال کروک آتا کچ ءِ 8 ریکارڈ کننگانے وخت اس کہ 908 ناجوڑ آتا حالیت نازرک ءِ۔
