اقوام متحدہ۔ 19 جنوری (اے پی پی) اقوام متحدہ نا اوغانستان اٹی زمی جمب آن پد کمکی کارروائی برجاءِ۔ چینی خبررساں ادارہ نا رداٹ اقوام متحدہ نا دفتررابطہ انسانی امور نا کنڈآن جاری بیان اٹی پاننگانے کہ اوغانستان نا صوبہ بادغیس نا ضلع قادیس اٹی بروک آ 5.3 شدت نا زمی جمب آن پد تعینات انٹرایجنسی نا ٹیم انا کماشی ءِ کننگ ءِ۔ زمی جمب انا سوب آن سد آ ہند آتا بھس مننگ اٹی 26 بندغ زوال و 4 ٹھپی مسنو۔ اوسی ایچ اے پارے کہ زمی جمب آن مست مروک آ ترند انگا پِر تیان مش آن جوڑ ہند آتے پین نسخان رسینگانے ہرانا ہنکینیک تینا سیال آتون پناہ ہلنگ آ بیوس ءُ۔ اوسی ایچ اے نا کماشی ٹی کمکی ٹیم آن بیدس ایلو کمکی ایجنسیک زہمی تے باسن آ اِرغ آتا دروشم اٹ بنائی ہلہلہ ئی امداد، دیر ساف کننگ نا گولی، حفظان جان جوڑی نا کٹ و ساف دیر بشخنگ ءُ۔
