نئی دہلی۔ 19 جنوری (اے پی پی) بھارت نا وزارت جان جوڑی پارینے کہ تدوک آ 24 گھنٹہ ٹی کورونا دین انا 2 لکھ 82 ہزار 970 پوسکن آ کیس آتیان پد مچ آ ملک اٹی کورونا دین آن زہمی بندغ آتا جم کچ 37901241آن گدرینگانے۔ چینی خبررساں ادارہ بھارتی وزارت جان جوڑی وزارت نا تازہ انگا حساب وکتاب نا بابت پارے کہ ملک اٹی لگاتار دا ہفت میکو دے ءِ کہ ہڑدے ئی 2 لکھ آن زیات کورونا دین انا پوسکن آ کیس رجسٹرڈ مننگ ءُ۔ کمامدارآک پاریر کہ کورونا دین آن تدوک آ 24 گھنٹہ ٹی مروک آ پوسکن آ 441 مرک آن پد مرک آتا کل کچ 487202 اسکان سرمسنے۔ بھارت اٹی کورونا دین انا فعال کیس آتا جم کچ 1831000 ءِ وخت اس کہ کورونا دین آن دراخ جوڑ مروک آ بندغ آتا جم کچ 35583039 مس ہرافتے ہسپتال آتیان کشنگانے۔ یات سلے کہ بھارت اٹی اومی کرون ویرینٹ نا جم کچ 8961 اسکان سرمسنے ہرافتے ٹی زیات تر کیس مہاراشٹر، دیکی بنگال، راجستھان و دارلحکومت نئی دہلی ٹی رپورٹ مسنے۔
