اسلام آباد۔18جنوری (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ اپوزیشن ءِ گہتری ءِ بابت ءَ فوکس اچ نیست انت، چیئرمن نیب ءِ پوسٹینگ ءُ جوڈیشری ریفارمز وڑیں ٹوھیں جیڈھ آنی سر ءَ اپوزیشن ءِ گوما یکجائی ءَ دیم ءَ جنزگ لوٹاں، گہتری کار آں چہ گیش اپوزیشن ءِ واھشت حکومت ءِ دور دیگ ءِ سر ءَ بوتگ۔ اولی روچ ءَ چہ ھمے کوشست ءَ بوتگ انت ءُ چار سال گوازینتگ، مریم نواز ءِ گپ آنی سر ءَ زھگ ھم کند انت ءُ توازہ کناں۔ میڈیا ادارگ آنی آمدن ءِ ھولگ ءَ ھساب ءُ داد رد انت گڈا میڈیا مالکان وتی اکاونٹس آں اوپن بکن انت، اومی کرون کیس آنی کساس گیش گیشی بوھگ ءَ انت۔ استیں کیس پنچ ہزار ھمک روچ ءَ تاں سر بوتگ انت۔ ویکسین جنوکیں مردم اومیکرون ءَ چہ گیش آماچ بوھگ ءَ انت، بد بھتی ءَ چہ سندھ ویکسی نیشن ءَ درستاں چہ گیش پشت انت۔ کراچی ءَ اومیکرون ءِ کیس باز گیش انت۔ سکول ءِ زھگ گیش آماچ بوھگ ئَ انت۔ حکومت ءَ دو بلین ڈالر ءَ چہ گیش ویکسینی درآمد کنان ءَ وتی شہری آناں جتگ، کرنٹ اکاونٹ وام ءِ تہ ءَ ٹوھیں بھر ءِ درمان آنی درآمد ءِ سر ءَ انت۔ ایوک ءَ ویکسین ءِ درآمدد ءِ سر ءَ دو بلین ڈالر ھرچ بوتگ۔ اے ھیالانی درشانی آئی ءَ سئے شمبے ءَ بنجاھی کابینہ ءِ دیوان ءَ چہ پد میڈیا ءَ گوں تران کنان ءَ کت۔ اے موہ ءِ سر ءَ بنجاھی وزیر ھاٹیگ حماد اظہر ھم ساڑی ات۔ چوہدری فواد حسین ءَ گوشت کہ بنجاھی کا بینہ ءَ را ملک ءَ اومی کرون ءِ شنگ ءُ تالان ءِ ھوالگ ءَ سرجمیں بریفنگ دیگ بوتگ۔ استیں کیس آنی کساس گیش بوھان ءَ پنچ ہزار ھمک روچ، ہاسپٹلائزیشن ریٹ 2.5 سرئی ءُ آءی سی یو ریٹ ءَ 30 درسد گیشی گندگ بوتگ۔ آئی ءَ گوشت کہ کابینہ ءَ اومی کرون ءَ چہ رھگ ءِ واستہ ایس او پیز، ماسک ءِ کارمرزی ءُ ویکسینیشن سرجم کنگ ءِ ھوالگ ءَ دل یکیمی جوڑ کنگ ءِ سر ءَ زور پر داتگ تانکہ کابینہ ءَ اے جزم ءِ درشان کتگ کہ حکومت اے رنگیں گامگیج المی بکنت ھمائی ءَ چہ کاروباری ءُ معاشی چست ءُ ایر آناں تاوان بہ رس ایت۔ یک جستے ءِ پسو ءَ آئی ءَ گوشت کہ میڈیا ورکرز آنی ھک آنی واستہ سرجمیں کانود آرگ ءِ کوشست انت بلے ایشی ءِ سر ءَ بازیں مردم آں جاک ءُ کوکار کتگ، ھالتاک آنی فرنٹ پیج آنی سر ءَ آوانی ھلاپ ءَ نویسگ بوتگ۔ آئی ءَ گوشت کہ میڈیا ادارگ آنی آمدن ءِ ھسا ب ءُ داد رد انت گڈا آ وتی اکاونٹس آں اوپن بکن انت تانکہ میڈیا ورکرز ھم چارت بکن انت کہ آوانی ادارگ ءِ آمدن ءُ ھرچ ءُ درچ چے انت۔ یک جستے ءِ پسو ءَ آئی ءَ گوشت کہ مریم نواز ءِ گپ آنی سر ءَ نوں آئی زھگ کند اَنت۔
