اسلام آباد۔18جنوری (اے پی پی):صدر مملکت ڈاکٹر عارف علوی ءَ ٹی بی ءِ گر ءُ دار ءِ واستہ یکجائی گامگیج آنی ضلورت ءِ سر ءَ زور پر دیان ءَ گوشتگ کہ 2030 ءَ تاں ملک ءَ چہ ٹی بی ءِ ھلاسی ءِ واستہ سیم سر آناں سرجم کنگ المی انت۔ ملک ءَ نادراھی آنی ھوالگ ءَ زانت ءُ سرپدی گیش بوھگ ءَ انت۔ ٹی بی ءِ نادراھ آناں وھد ءُ موہ ءِ سر ءَ تپاسی ءُ علاج بوت کنت ءُ زندمان رھینگ بوت کنت۔ میڈیا سرپدی گامگیج آنی تہ ءَ حکومتی کوشست آنی گیشاں چہ گیش ھمبراھ داری ءَ بکنت۔ اے ھیالانی درشانی آئی ءَ سئے شمبے ءَ ایوان ءِ صدر ءِ ٹی بی ءِ گر ءُ دار ءِ ھوالگ ءَ کانفرنس ءَ گوں گشتانک دیان ءَ کت۔ مراگش ءَ میاں اوستمانی ادارگ آنی نماھندگ ، پارلیمنٹ ءِ باسک ، جان سلامتی سفارت کار آں بھر زوری کت۔
