حکومت کاروبار ی برادری ءِ سازگار چاگڑد اس فراوان کننگ کن سنبرینگوک ءِ، صدر ڈاکٹر عارف علوی نا اسلام آباد چیمبر نا ڈل اتون گپ وتران

اسلام آباد۔ 18 جنوری (اے پی پی) صدر مملکت ڈاکٹر عارف علوی پارینے کہ حکومت کاروباری برادری ءِ سازگار چاگڑد اس فراوان کننگ کن سنبرینگوک ءِ، حکومتی گام گیج و گچین پالیسی تا سوب آن پاکستان نا برآمد آتیٹی ودکی مس۔ داخیال آتا درشانی ءِ او ایوان صنعت و واپار اسلام آباد نا ڈل اتون گپ وتران کرسا کرے ہرا ایوان صدر اٹی اوڑتون اوڑدہی کریر۔ صدر مملکت پارے کہ ملک اٹی صنعتی بشخ انا مون آ دننگ کن گام گیج کننگ انگءِ ، حکومت کاروباری برادری ءِ سازگار چاگڑد اس فراوان کننگ کن سنبرینگوک ءِ، حکومتی گام گیج و گچین پالیسی تا سوب آن پاکستان نا برآمد آتیٹی ودکی مس۔ اوپارے کہ حکومت نا کنڈآن کورونا دین اٹی کاروباری تپہ ءِ ریلیف فراوان کننگ جوان ءُ گام اس ئسک۔ ڈل صدر مملکت ءِ تینا ویل آتا بارواٹ معلومدار کرے۔ صدر مملکت ڈل ءِ اوفتا ویل آتا ایسر کننگ کن تینا کمک نا باوری کرفے۔