اسلام آباد۔ 18 جنوری (اے پی پی) مچ آ ملک اٹی تدوک آ 24 گھنٹہ ٹی 53 ہزار 253 کورونا ٹیسٹ کننگانے۔ وزارت قومی جان جوڑی نا کنڈآن جاری ٹویٹ اٹی شیئرکروک آ حساب وکتاب نا رداٹ تدوک آ 24 گھنٹہ ٹی 53 ہزار 253 کورونا ٹیسٹ کننگانے۔ ہرافتیان 5034 بندغ آتا کورونا ٹیسٹ مثبت بسنے۔ ہندا وڑ تدوک آ 24 گھنٹہ ٹی کروک آ کورونا ٹیسٹ آتا مثبت نا کچ 9.45 درسد ئسک۔ داکان بیدس داٹی کورونا دین انا سوب آن زوال کروک آتا کچ 10 ریکارڈ کننگانے وخت اس کہ 827 ناجوڑ آتا حالیت نازرک ءِ۔
