سلہہ بند فوج انا اسہ ریٹائرڈ یا حاضر سروس ملازم اس ہم ڈیپوٹیشن نا بنداو آ نادراٹی کاریم کپننگ ءِ، وزیر مملکت پارلیمانی امور

اسلام آباد۔ 18 جنوری (اے پی پی) وزیر مملکت پارلیمانی امور علی محمد خان پارینے کہ نادرا ٹی 6 ملازم ڈیپوٹیشن آ کاریم کننگ ءُ ولے سلہہ بند فوج انا اسہ ریٹائرڈ یا حاضر سروس ملازم اس ہم ڈیپوٹیشن نا بنداو آ نادرا ٹی کاریم کپننگ ءُ۔ سے شنبے نادے آ بڑزکو ایوان نا دیوان اٹی وقفہ سوج آتیٹی سینیٹر مشتاق احمد نا سوج انا ورندی ٹی اوپارے کہ نادرا ٹی 6 ملازم ڈیپوٹیشن آ کاریم کننگ ءُ، داملازم آتے 10 درسد ہیڈکوارٹرز و یوٹیلٹی الاؤنس و 20 درسد ڈیپوٹیشن الاؤنس آن بیدس اوفتا بنائی محکمہ غاتا کنڈآن جاری کروک ایل پی سی نا رداٹ بنداوی پے سکیل اٹ تنخواہ تننگ انگ ءِ۔ اوپارے کہ سلہہ بند فوج انا اسہ ریٹائرڈ یا حاضر سروس ملازم اس ہم ڈیپوٹیشن نا بنداو آ نادرا اٹی کاریم کپننگ ءِ۔