اسلام آباد۔ 18 جنوری (اے پی پی) چیئرمین سینیٹ محمد صادق سنجرانی پارینےکہ وزیر آک و سینیٹ نا باسک آک دیوان نا وخت آ ایوان اٹی تینا ساڑی گری ءِ پک کیر۔ سے شنبے نادے آ بڑزکو ایوان نا دیوان اٹی وقفہ سوج آتیٹی قائد حزب اختلاف سید یوسف رضاگیلانی پارے کہ ایوان اٹی وزیرآک بایدے ساڑی مریر تانکہ او سوج آتا ورندی ءِ ترسا ایوان ءِ است جم کننگ کیر۔ چیئرمین سینیٹ صادق سنجرانی ریمارکس ترسا پارے کہ ایوان اٹ وزیر آک و باسک آک تینا حاضری ءِ پک کیر۔ اووزارت داخلہ نا کنڈآن سوج آتا ورندی بفننگ نا بابت پارے کہ سیکرٹری سینیٹ سیکرٹری داخلہ ءِ چٹھی اس نوشتہ کے کہ داوڑ انت اکن مننگ ءِ، اگہ دا چرجوئی برجاسلیس تو سیکرٹری داخلہ نا برخلاف کارروائی کن وزیراعظم ءِ چٹھی اس نوشتہ کینہ۔
