اسلام آباد۔ 18 جنوری (اے پی پی) بنجائی وزیر ریلوائی سینیٹر اعظم خان سواتی پارینے کہ ریلوائی ٹی منظو ر مروک آسامی تیان زیات 861 پٹرولرآتا ملازمت آتے چٹفنگانے۔ سے شنبے نادے آ بڑزکو ایوان اٹی وقفہ سوج آتیٹی سینیٹر مشتاق احمد نا سوج انا ورندی ٹی اوپارے کہ 2005-06اٹی دا پٹرولرآتا خذمت ءِ عارضی وڑاٹ دوئی کننگاسس ہرا منظور مروک آسامی تیان زیات ئسر، داسہ سیکورٹی حالیت آک گچین ءُ ہرانا سوب آن دا آسامی تے چٹفنگانے ولے خطرہ غاتا زد اٹ سیکشنز آ ریلوائی ٹریک آ پٹرولنگ گینگ مین نا آسامی تیا عارضی عملہ نا خذمت دوئی کرسا کننگ انگ ءِ۔
