ابوظہبی نا علاقہ مصفح ٹی پٹرولیم ٹینکی تیٹی خاخر لگنگ آن پاکستانی اس زوال کرے، ترجمان دفترخارجہ

اسلام آباد۔ 18 جنوری (اے پی پی) ترجمان دفترخارجہ پارینے کہ ابوظہبی نا علاقہ مصفح ٹی پٹرولیم ٹینکی تیٹی خاخر لگنگ نا واقعہ ٹی اسہ پاکستانی اس زوال کرینے۔ دوشنبے نادے آ اسہ بیان اسے ٹی ترجمان پارے کہ ابوظہبی نا علاقہ مصفح ٹی پٹرولیم ٹینکی تیٹی خاخر لگنگ نا باندات آ منہ بندغ نا زوال و ٹھپی مننگ نا بابت پاکستانی سفارتخانہ ءِ معلومدار کننگانے وخت اس کہ ابوظہبی پولیس اسہ پاکستانی اسے نا زوال مننگ نا حوال تسنے۔ ترجمان پارے کہ پاکستانی سفارتخانہ مستی سرجم آتے کن کمامدارآتون خڑکی رابطہ ٹی ءِ۔