حکومت سیاسی گلانی گوما گپ ء ُ تران کنگ لوٹ ایت، اپوزیشن وتی مقدمہ آنی تہا ریلیف ءَ ابید دگہ ایچ سرحال ءِ سرءَ گپ کنگ نالوٹ ایت، چوہدری فواد حسین

اسلام آباد۔17جنوری  (اے پی پی): حال ءُ اھیوال کاری ءُ شنگنکاری ءِ بنجاہی وزیر چوہدری فواد حسین ءَ گشتگ کہ حکومت سیاسی گلانی گوما گپ ء ُ  تران کنگ لوٹ ایت، ما گچین کاری مٹ ء ُ بدلی ، آمید گسء ُ احتساب ءِ نظام ءِ تہا مٹء ُ بدلی لوٹ ایت کہ اپوزیشن ءِ ابید ہم بوت ناکنت۔ ن لیگ ء ُ پیپلز پارٹی ءِ کرپٹ سروک وتی مقدمہ آنی تہا ریلیف ءَ ابید دگہ ایچ سرھال ءِ سرءَ گپ کنگ نالوٹاں۔ دوشمبےءِ روچءَ وتی ٹویٹ ءِ تہا آئی ءَگشتگ کہ اگاں ن لیگ شریف حاندان ءَ چہ وتءَ را جتاہ کنت گڑا اے جوانیں گامگیج بیت، سیاسی گلاناں اخلاقی ء ُ مالی کرپشن ءِ آماچیں قیادتءَ را مٹ کنگ ءِ ضلورت اِنت۔ آئی ءَگشتگ کہ نواز شریف ءَ ہمک مشکلیں وہدءَ کارکن آناں تنا یل کتگءُ لندنءَ باہوٹی بوتگ، اے وڑیں رہشون ءِ عزت نابیت۔