ادارگ آناں برجم جوڑ کنگ، جوانیں کار کرد ءُ  ساپ ءُ سلہ ئی ءِ واستہ انفارمیشن ٹیکنالوجی کارمرز کنگ ءِ ضلورت انت،  استیں ادارگ  گیشینتگیں ٹائم لائنز آنی اندر ءَ پارلیمنٹ  ءِ ڈیجیٹیلائزیشن ءَ را دل یکیمی جوڑ بکن ات، صدر مملکت عارف  علوی ءِ سائبر  ایفیشینٹ پارلیمنٹ  ءِ بابت ءَ  دیوان ءَ گوں گشتانک  

اسلام آباد۔17جنوری  (اے پی پی):صدر مملکت ڈاکٹر عارف علوی  ءَ ادارگ آناں  گہتر کنگ، جوانیں کار کرد ءُ ساپ ءُ سلہ ءِ واستہ انفارمیشن ٹیکنالوجی کارمرز کنگ ءِ ضلورت ءِ سر ءَ زور پر دیان ءَ گوشت کہ سیادی داروکیں ادارگ آناں گوشت کہ  آ داتگیں  ٹائم لائنز آنی اندر ءَ پارلیمنٹ ڈیجیٹیلائزیشن ءِ  پد ءُ رندی ءَ را  دل یکیمی جوڑ بکن ات۔ ایوان ءِ صدر ءِ  پریس ونگ ءِ  رد ءَ اے ھیالانی درشانی آئی ءَ دو شمبے ءَ ادا صدر ءِ  گامگج  سائبر   ایفیشینٹ پارلیمنٹ (پی آئی سی ای پی)  ءِ ھوالگ ءَ  دیوان ءِ سروکی ءَ کنان ءَ کت۔ ایوان ءِ صدر ءَ بوھوکیں  دیوان ءَ سپیکر راجی ا سبملی اسد قیصر ، ڈپٹی چیئرمین سینیٹ مرزا محمدر آفریدی، سیکرٹری وزارت  منصوبگ بندی،  دیمروئی ءُ ھاسیں گامگیج عبدالعزیز عقیلی، سیکرٹری وزارت آئی ٹی اینڈ ٹیلی کام ڈاکٹر سہیل راجپوت، سیکرٹری راجی اسمبلی سیکرٹری طاہر حسین ءُ ایندگر ٹوھیں  کارندہ آں بھر زوری کت۔  صدر ءِ مملکت ءَ گوشت کہ حکومت ءِ کار کرد ، ساپ ءُ سلہ ئی  ءُ پسو دیگ ءَ را گہتر  جوڑ کنگ ءِ واستہ راجی اسمبلی ءُ سینیٹ وڑیں ریاستی ادارگ آنی کاروبار ءَ انفارمیشن ٹیکنالوجی ءَ را ھوار کنگ ءِ ضلورت انت۔  اے موہ ءِ سر ءَ  وزارت  آئی  ٹی اینڈ ٹیلی کام ءِ نیمگ ءَ  (پی آئی سی ای پی) ءِ   برجائی ءِجاور ھال آنی   سر ءَ  یک پریزیٹیشن  ءِ دیگ بوت۔