پشاور۔ 17 جنوری (اے پی پی) وزیراعظم عمران خان تون گورنر خیبرپختونخوا شاہ فرمان و وزیراعلیٰ محمود خان ئسک اوڑدہی کریر۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ اوڑدہی ٹی صوبہ ٹی سیاسی حالیت، انتظامی امور و امن و ایمنی نا حالیت آتیا گپ و تران کننگا۔ اوڑدہی ٹی صوبہ ٹی برجا السی آسودہی و شونداری ڈٹ خاص وڑاٹ ایگریکلچر ٹرانسفارمیشن پلان آ عملدرآمد، جنگل آتا رکھ انا ڈٹ و جان جوڑی کارڈ انا السی پذیرائی آ گپ وتران اتون اوار اوار وزیراعظم ءِ کبینی نا توننگ کن انتظامیہ نا کنڈآن کروک آ گام گیج و کوڑی کروک آتا برخلاف آپریشن آ پیش رفت آن ہم معلومدار کننگا۔ وزیراعظم شونداری ڈٹ آتے معینہ مد و السی آسودہی نا ڈٹ آتے اولیتی بنداو آ پورو کننگ نا پارت جاری کرے۔